শ্ৰীলংকাত অসমৰ দুই সন্তৰণবিদৰ বিশ্ব অভিলেখ।
একেৰাহে ১১০ কিঃমিঃ সাঁতুৰি ১৩ ঘণ্টা ৫০ মিনিটত কলম্বোৰ পৰা চেন্নাইত উপস্থিত।
সুদুৰ কলম্বোৰ পৰা চেন্নাইলৈ ভাৰত মহাসাগৰত ১১০ কিঃমিঃ সাঁতুৰি এই বিৰল কৃতিত্ব অৰ্জন অসমৰ গুৰু-শিষ্যৰ।
অসমৰ দক্ষ সাঁতোৰ প্ৰশিক্ষক বাবুল গুৰুং আৰু তেখেতৰ প্ৰশিক্ষাৰ্থী কস্তুৰী গগৈয়ে লাভ কৰিছে এই কৃতিত্ব।
বুধবাৰে নিশা ১টা বজাত শ্ৰীলংকাৰ ৰাজধানী চহৰ কলম্বোৰ মানাৰ দ্বীপৰ পৰা সাঁতোৰ আৰম্ভ কৰি দুপৰীয়া ২:৫০ বজাত ভাৰতবৰ্ষৰ তামিলনাডুৰ আৰ্চুল মোলাইত উপস্থিত হয় প্ৰশিক্ষক বাবুল গুৰুং আৰু শিক্ষাৰ্থী কস্তুৰী গগৈয়ে।
১০ বছৰীয়া কস্তুৰীৰ দুঃসাহসিক ক্ৰীড়াত স্তম্ভিত সাঁতোৰক্ষেত্র।
১০ বছৰ বয়সত একেৰাহে ১৩ ঘণ্টা ৫০ মিনিট সাঁতুৰি ভাৰত মহাসাগৰ অতিক্ৰম কৰা প্ৰথমগৰাকী সাঁতোৰবিদ হোৱাৰ বিশ্ব ৰেকৰ্ড গঢ়িলে কস্তুৰী গগৈয়ে।
অসমৰ গুৰু-শিষ্যৰ এই কৃতিত্বত এতিয়া গৌৰৱান্বিত ৰাজ্যবাসী।