আজি পবিত্ৰ জন্মাষ্টমী…

আজি পবিত্ৰ জন্মাষ্টমী।

কৰ’ণা মহামাৰীৰ মাজতে আজি দেশজুৰি পালন কৰা হ’ব শ্ৰী কৃষ্ণৰ জন্মাষ্টমী।

বিশ্বাস অনুসৰি আজি নিশাই দৈবকীৰ গৰ্ভৰ পৰা জন্ম হৈছিল শ্ৰীকৃষ্ণৰ।

ভগৱান কৃষ্ণৰ জন্ম ভাদ মাহৰ কৃষ্ণ পক্ষৰ ৰোহিনী নক্ষতৰ অষ্টমী তিথিত হৈছিল।

অসমতো জন্মাষ্টমী উপলক্ষে বিভিন্ন অনুষ্ঠান আয়োজন কৰা হৈছে।

শিশু কৃষ্ণৰ গুণ-গৰিমা, বন্দনাৰে মুখৰিত হৈছে চৌদিশ।

এই পবিত্ৰ উৎসৱ উপলক্ষে দেশবাসীক শুভেচ্ছা জ্ঞাপন কৰিছে প্ৰধানমন্ত্ৰী মোডীৰ লগতে, ৰাষ্ট্ৰপতি আৰু উপ-ৰাষ্ট্ৰপতিয়ে।

অসমৰ মুখ্যমন্ত্ৰী হিমন্ত বিশ্ব শৰ্মাইও জন্মাষ্টমী উপলক্ষে ৰাজ্যবাসীক আন্তৰিক শুভকামনা জনাইছে।

অসমবাসীলৈ ভগৱান শ্ৰীকৃষ্ণৰ পুণ্য জন্মাষ্টমীৰ আন্তৰিক শুভকামনা জ্ঞাপন কৰিছোঁ৷ এই পৱিত্ৰ দিনটোত ত্ৰিজগতৰ পতি ভগৱান শ্ৰীকৃষ্ণৰ শ্ৰীচৰণত সভক্তিৰ প্ৰণিপাত জনাইছোঁ৷ তেৰাৰ ভাবাদৰ্শ আৰু অমৃত বাণীৰ দ্বাৰা আমি অনুপ্ৰাণিত হৈ এখন সুখ-শান্তিৰ তথা সমৃদ্ধিশালী অসম গঢ়োঁ আহক৷ pic.twitter.com/p5ybBL0d0c

— Himanta Biswa Sarma (@himantabiswa) August 30, 2021