নিউজ ডেস্ক। এক নিশ্চিত ভয়ংকৰ দুৰ্ঘটনাৰ পৰা ৰক্ষা পৰিল এখন যাত্ৰীবাহী বিমানষ শনিবাৰে মধ্যপ্ৰদেশৰ দুমনা বিমান বন্দৰত অৱতৰণৰ সময়তে যাত্ৰীবাহী বিমানখন ৰানৱেৰ পৰা পিছলি পৰে।
সৌভাগ্যক্ৰমে বিমানখনৰ ভিতৰত থকা ৫৫ গৰাকী যাত্ৰী আৰু ৫ গৰাকী ক্ৰু মেম্বাৰৰ জীৱন ৰক্ষা পৰে।
দৰাচলতে, শনিবাৰে দুপৰীয়া ১:২০ বজাত দিল্লীৰ পৰা জবলপুৰত উপস্থিত হোৱা এয়াৰ ইণ্ডিয়াৰ বিমান এআই-৯৬১৭ অৱতৰণৰ সময়ত ৰানৱেৰ পৰা পিছলি পৰে।
বিমানখন পিছলি যোৱাৰ লগে লগে মাটিত অৱতৰণ কৰিছিল। কিন্তু পাইলটে বিমানখন নিয়ন্ত্ৰণ কৰিবলৈ সক্ষম হয়।
তথ্য অনুসৰি, বিমানখন দিল্লীৰ পৰা জবলপুৰলৈ আৰু তাৰ পিছত বিলাসপুৰলৈ যোৱাৰ কথা আছিল। দুৰ্ঘটনাটোৰ পিছত, বিমানবন্দৰ পৰিচালনা তৎক্ষণাৎ কাৰ্যকৰী হয় আৰু বিমানখনৰ কাষ চাপে।
এই সময়ছোৱাত, বিমানখনত থকা প্ৰায় ৩৫ জন যাত্ৰীক বাছেৰে বিমানবন্দৰৰ লাউঞ্জলৈ লৈ যোৱা হয়। ঘটনাটোৰ তদন্তৰ নিৰ্দেশ দিয়া হৈছে।
ইফালে, এই দুৰ্ঘটনাৰ পিছতে বিমানবন্দৰটো কিছু সময়ৰ বাবে বন্ধ কৰি দিয়া হয়।
উল্লেখ্য যে, ভাৰতত বিমান দুৰ্ঘটনাৰ ঘটনা বিগত কিছু সময়ত বৃ্দ্ধি পোৱা পৰিলক্ষিত হৈছে।
যোৱা সপ্তাহত, উত্তৰ প্ৰদেশৰ কানপুৰ বিমান বন্দৰ উপকূলৰক্ষী বাহিনীৰ এখন বিমান অৱতৰণৰ সময়ত ইঞ্জিন বিকল হৈছিল।
ইয়াৰ ফলত, বিমানখন অসন্তুলিত হৈ পৰে। অৱশ্যে সৌভাগ্যক্ৰমে বিমান দুৰ্ঘটনাত কোনো লোক হতাহত হোৱা নাছিল।
