নিজ কন্যা ক’ত আছে, কেনেকৈ আছে তাৰো খবৰ আজিলৈকে নাপালে কুসুমৰ বৃদ্ধ মাতৃয়ে। আনকি তাইৰ মুখখন এবাৰ চাবলৈ ঘৰত ফটো এখনো নাই।
এটা জৰাজীৰ্ণ ঘৰত বাস কৰা ৰোগীয়া আইতাগৰাকীয়ে শেহতীয়াকৈ এটা চৰকাৰী গৃহ লাভ কৰিছে যদিও এসাঁজ ভালকৈ খাবলৈও অভাৱৰ সন্মুখীন হৈ আহিছে বহু দিনৰ পৰাই।
উল্লেখ্য যে, নগালেণ্ডত সংঘটিত এক সংঘৰ্ষত কেইমাহমান পূৰ্বে আলফা স্বাধীনৰ দুধৰ্ষ সদস্যা কুসুম গগৈ নিহত হোৱা বুলি শেহতীয়াকৈ চৰ্চা চলি আহিছে যদিও এই কথা একেবাৰেই গম নাপায় দুখুনী মাতৃয়ে।
