HOROSCOPE

সাপ্তাহিক ৰাশিফল

১৩ জুনৰ পৰা ১৯ জুনলৈ জানক আপোনাৰ ৰাশিফল

মেষঃ বজাৰৰ পৰা মাংগলিক কৰ্ম সম্বন্ধীয় সামগ্ৰী ক্ৰয়ৰ সম্ভাৱনা। উৎসাহেৰে পৰিপূৰ্ণ হৈ থাকিব। পাৰিবাৰিক অচলাৱস্থা দূৰীকৰণৰ বাবে আপুনি কৰা প্ৰচেষ্টাত সফলতা লাভ কৰিব। অতিথি শুশ্ৰূষা কৰিবলৈ পাব। অৱশ্যে খৰছৰ ক্ষেত্ৰত অলপ সাৱধান হ’ব। অত্যধিক খৰছৰ সন্মুখীন হ’ব পাৰে। সংঘাত হোৱাৰো কিছু সম্ভাৱনা আছে, সেয়েহে অপ্ৰয়োজনীয় কোনো কথা বা কামত গুৰুত্ব নিদিব। শাৰীৰিক আঘাত পাবও পাৰে।

বৃষঃ এই সপ্তাহত আপুনি যিটো কামত হাত দিব তাতেই সফলতা লাভ কৰাৰ পূৰ্ণ সম্ভাৱনা আছে। জ্যেষ্ঠ বা অভিজ্ঞ ব্যক্তিৰ মাগদৰ্শনে আপোনাৰ লক্ষ্যত উপনীত হোৱাত সহায় কৰিব। সামাজিক কামত অংশ অথবা সমাজ সেৱা জনিত সংগঠনৰ সৈতে জড়িত হ‘ব পাৰে। অৱশ্যে ৰাজহুৱা জীৱনত বেছি জড়িত হ’ব লগা হোৱাত পাৰিবাৰিক কামসমূহ আধৰুৱা হৈ ৰোৱাৰ সম্ভাৱনা আছে। চুবুৰীয়াৰ সৈতে মতানৈক্য হোৱাৰ সম্ভাৱনা আছে। প্ৰিয় ব্যক্তিৰ সম্বন্ধীয় লোকৰ পৰা নজনা খবৰ জানিবলৈ পায় পৰিয়ালৰ দুখ হ’ব পাৰে। মনোবল বৃদ্ধি কৰিবলৈ যত্ন কৰিব। স্বাস্থ্য ভালে থাকিব।

মিথুনঃ নিজ সিদ্ধান্তত অটল থকাৰ বাবে সন্মানিত হ’ব। জ্যেষ্ঠজনৰ আশীৰ্বাদ লাভ কৰিব। গঠনমূলক কৰ্মত আপোনাৰ ইচ্ছা বাঢ়িব। আত্মবল বৃদ্ধি পাব। কিন্তু বিৰোধী অথবা শত্ৰুৱে আপোনাৰ বিৰুদ্ধে ষড়যন্ত্ৰ কৰিব। সেয়েহে তাৎক্ষণিক লক্ষ্য প্ৰাপ্তিৰ বাবে ভুল পথত যাবলৈ বিচলিত নহ’ব। ধৈৰ্য্য শক্তি অটুত ৰাখিব। পৰিকল্পনা বহুত থাকিব, কিন্তু সেই সমূহ কাৰ্যকৰী কৰাত সমস্যাৰ সন্মুখীন হ’ব। ব্যৱসায়ৰ বাবে ভাল সময়। নতুন কামত হাত দিব পাৰে, সফলতা লাভ কৰিব। সকলোৰে লগত সু-সম্পৰ্ক বজাই ৰাখিলে অত্যাধিক ফল লাভ কৰিব। এই সপ্তাহত যান-বাহন চলোৱা অথবা ভ্ৰমণত সাৱধান হ’ব।

কৰ্কটঃ আগৰ পৰাই কৰি থকা কামৰ সফলতা অহাৰ সম্ভাৱনা আছে। দুপৰীয়াৰ পিছৰ সময়খিনি শুভ হ’ব। নতুন সামগ্ৰী ক্ৰয়ৰ পৰিকল্পনা কৰিব পাৰে। বন্ধু আৰু পৰিয়ালৰ সৈতে সম্পৰ্ক মধুৰ হ’ব। কিন্তু পৰিকল্পনা অনুসৰি সকলো সম্ভৱ হৈ উঠাত বাধা আহিব। সন্তানৰ স্বাস্থ্যৰ ক্ষেত্ৰত গুৰুত্ব দিব। বেছিভাগ সময় ঘৰৰ বাহিৰত থাকিব লগা হ’ব পাৰে। প্ৰেমত সুফল লাভ কৰিব। প্ৰিয়জনৰ শাৰীৰিক অসুস্থতাৰ বাবে আপোনাৰ মন বেয়া হ’ব পাৰে।

সিংহঃ পূৰ্বৰ কামৰ সফলতা প্ৰাপ্তি হ’ব। সেয়েহে আপোনাৰ আত্মবিশ্বাস বৃদ্ধি পাব। কাম কৰিবলৈ শক্তি লাভ কৰিব। ধৰ্মীয় কাৰ্যত মনোযোগ বৃদ্ধি পাব। টকা পইছা লেনদেনৰ ক্ষেত্ৰত সাৱধান হ’ব। সন্তানৰ সমস্যাত অধিক গুৰুত্ব দিব। ব্যৱসায়ৰ ক্ষেত্ৰত সফলতা লাভ কৰিব। কৰ্মক্ষেত্ৰত উচ্চ বিষয়াৰ অপ্ৰিয় হবও পাৰে। প্ৰেমত সফলতা লাভ কৰিব। স্বাস্থ্যজনিত সমস্যাত ভূগিব পাৰে।

কন্যাঃ অপ্ৰত্যাশিত ফল লাভ কৰাৰ সম্ভাৱনা আছে। মাটি-বাৰী সম্বন্ধীয় আধৰুৱা কাম সম্পূৰ্ণ হ’ব পাৰে। পূৰ্বৰ কোনো নকৰিবলগীয়া কামৰ বাবে অনুশােচচনাত ভুগিব পাৰে। যিয়ে আপোনাৰ মনোবল হ্ৰাস কৰিব। আনৰ ওপৰত অধিক বিশ্বাস ৰখাটো নিজৰ বাবে ক্ষতিকাৰক হ’ব পাৰে। ব্যৱসায়ত সংগী লাভ কৰিব। গুৰুত্ব সহকাৰে কাম কৰিলে সফলতা লাভ কৰিব। প্ৰেমত কিছু সমস্যাই দেখা দিব পাৰে। সম্পৰ্ক ভালে ৰাখিবলৈ যত্ন কৰিব। শাৰীৰিক আৰু মানসিক সমস্যা হ’ব পাৰে।

তুলাঃ এই সপ্তাহত আপুনি কোনো সু-সংবাদ লাভ কৰিব পাৰে। আশা কৰা ফল লাভ কৰাৰ বাবে সুখ অনুভৱ কৰিব। ৰাজকীয় সম্বন্ধ গঢ় লৈ উঠিব পাৰে। জ্যেষ্ঠজনৰ মাৰ্গদৰ্শন লাভ কৰিব। অৱশ্যে টকা পইছা হানি হোৱাৰ সম্ভাৱনা আছে। সেয়েহে সাৱধানে থাকিব। কোনো সিদ্ধান্তত আনৰ হস্তক্ষেপে বিমোৰত পেলাব পাৰে। ব্যৱসায়ৰ ক্ষেত্ৰত সফলতা লাভ কৰিবলৈ অধিক কষ্ট কৰিব লাগিব।

বৃশ্চিকঃ ভাল ফল লাভৰ সম্ভাৱনা আছে। যিকোনো কামত আনৰ ওপৰত বিশ্বাস কৰাতকৈ নিজৰ ওপৰত বিশ্বাস ৰাখিব। তাৎক্ষণিক সিদ্ধান্ত লব। সিদ্ধান্ত লোৱাত পলম হোৱাৰ বাবে কিছু সমস্যাৰ সন্মুখীন হ’ব। লেনদেনৰ ক্ষেত্ৰত বিবাদ হোৱাৰ সম্ভাৱনা আছে। সাৱধান হ’ব। কৰ্ম ক্ষেত্ৰত বিশেষ সমস্যা নহ’ব। ক্ষুদ্ৰ কথাতে প্ৰেমত সংঘাত হ’ব পাৰে। সামান্য স্বাস্থ্য হানি হ’ব পাৰে।

ধনুঃ যিকোনো কামত ধন বিনিয়োগৰ ক্ষেত্ৰত উচিত সময়। কোনো কোনো ক্ষেত্ৰত আনক সন্তুষ্ট কৰিবলৈ নিজে দুখত থাকিবলগীয়া হ’ব পাৰে। ব্যক্তিগত কামত অধিক গুৰুত্ব দিব। নতুন কামৰ প্ৰতি আগ্ৰহ বাঢ়িব। কলা আৰু মিডিয়া ক্ষেত্ৰত জড়িত সকলৰ ব্যৱসায় লাভ হ’ব। কামৰ হেঁচাত দুৰ্বল অনুভৱ কৰিব পাৰে।

মকৰঃ কৰ্মত দীঘলীয়াভাৱে সন্মুখীন হৈ অহা বাধা আঁতৰিব। আইন আদালত জনিত ৰায় আপোনাৰ পক্ষলৈ আহিব। সামাজিক ক্ষেত্ৰত সন্মান বৃদ্ধি পাব। ভ্ৰমণ আদি এৰাই চলিব। সাৱধান হ’ব, বাধাৰ সন্মুখীন হ’ব। আপোনাৰ প্ৰাপ্তি দেখি কোনো লোক ঈৰ্ষান্বিত হ’ব পাৰে। ক্ষতি কৰিবলৈ চেষ্টা কৰিব। ব্যৱসায়ৰ ক্ষেত্ৰত পাব লগা দীঘলীয়া সময়ৰ ধন লাভ কৰিব পাৰে। প্ৰেমত সফলতা লাভ কৰিব। চিন্তাৰ বাবে মানসিক ৰোগত ভূগিব পাৰে।

কুম্ভঃ সম্বন্ধীয় লোক অথবা সম্পত্তিৰ বাবে চলি থকা বিবাদ মীমাংসা হ’ব। সম্পত্তি ক্ৰয় কৰাৰ বাবে অধিক সময় আৰু ধন খৰছ হ’ব। খৰছৰ ক্ষেত্ৰত সাৱধান হ’ব। সন্তানৰ ফলাফলক লৈ সন্তুষ্ট নহ’ব। মনোবল বৃদ্ধি কৰিব। মানসিক প্ৰশান্তিৰ বাবে ধৰ্মীয় স্থানলৈ যাব। চাকৰিয়াল সকলে পদোন্নতি লাভ কৰিব পাৰে। ব্যৱসায়ত বিশেষ সন্তুষ্টি লাভ নকৰিব। লাভ কিছু হ্ৰাস পাব। প্ৰেমত সফল হ’ব। স্বাস্থ্য ভালে থাকিব।

মীনঃ ঘৰ পৰিৱৰ্তন কৰাৰ কথা ভাবিছে যদি উচিত সময়। জটিল পৰিস্থিতিটো কাম কৰিবলৈ সক্ষম হ’ব। কোনো কামৰ বাবে ঋণ অথবা ধাৰ লব লগা হ’ব পাৰে। অপ্ৰত্যাশিত কিছু দুঃসংবাদৰ বাবে মন উদাস হ’ব। মনে বিচৰা কাম সমাধা নোহোৱাৰ বাবে কেতিয়াবা দুখ অনুভৱ কৰিব পাৰে। চাকৰিয়ালে ভাল খবৰ লাভ কৰিব পাৰে। ব্যৱসায়ত ভাল ফল লাভ কৰিব। সম্পৰ্ক ভাল হব। স্বাস্থ্য ভালে থাকিব। –

Leave a Reply

Your email address will not be published. Required fields are marked *

Back to top button