তামুলপুৰঃ ব’হাগৰ উছাহৰ মাজত বিহু গাই ওভতাৰ বাটতে নিশা এক মৰ্মান্তিক পথ দুৰ্ঘটনাত প্ৰাণ হেৰুৱালে এগৰাকী নাচনীয়ে।
তামুলপুৰ-নাগ্ৰীজুলী পথৰ নোৱাখাটত সংঘটিত এই শোকাবহ ঘটনাত নলবাৰীৰ হাৰিভাঙাৰ ‘ভাস্কৰজ্যোতি বিহু হুঁচৰি দল’ৰ নিশামণি হালৈ নামৰ ২৫ বছৰীয়া যুৱতীগৰাকীৰ থিতাতে মৃত্যু ঘটে।
বিহু পৰিৱেশন কৰি ঘূৰি অহাৰ সময়তে বিহুৱা-বিহুৱতীৰ দলটো কঢ়িয়াই নিয়া ট্ৰেভেলাৰখনৰ সৈতে এখন ট্ৰাকৰ মুখামুখি সংঘৰ্ষ হোৱাৰ ফলতে এই কৰুণ দুৰ্ঘটনাটো সংঘটিত হয়।
ইফালে, এই দুৰ্ঘটনাত দলটোৰ আন ১১ গৰাকী বিহুৱা-বিহুৱতী গুৰুতৰভাৱে আহত হয়। আহতসকলৰ ভিতৰত পাঁচজনৰ অৱস্থা অতি সংকটজনক হোৱাৰ বাবে তেওঁলোকক উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হৈছে।
