অসমীয়াৰাষ্ট্ৰীয়

মৰ্মান্তিক! শিক্ষামূলক ভ্ৰমণৰ বাবে গৈ থকা সময়তে ভয়ংকৰ দুৰ্ঘটনা, শিক্ষক-শিক্ষাৰ্থীসহ ৯ জন নিহত

নিউজ ডেস্কঃ শিক্ষামূলক ভ্ৰমণলৈ গৈ থকা সময়তে সংঘটিত ভয়ংকৰ বাছ দুৰ্ঘটনাত মৃত্যু শিক্ষক-শিক্ষাৰ্থীসহ ৯ জনকৈ যাত্ৰীৰ।

এই ভয়ংকৰ দুৰ্ঘটনা সংঘটিত হৈছে কেৰালাৰ পালাক্কাড়ত।

দুখন বাছৰ সংঘৰ্ষত ৯ জনকৈ যাত্ৰী নিহত হোৱাৰ লগতে আহত হয় ৩৬ জন যাত্ৰী।

image 53

দুৰ্ঘটনাত পতিত এখন বাছত আছিল শিক্ষামূলক ভ্ৰমণৰ বাবে উটি গৈ থকা এখন বিদ্যালয়ৰ শিক্ষক-শিক্ষাৰ্থীৰ দল।

জানিব পৰা মতে, এৰ্নাকুলামৰ মুলানথুৰুথিৰ বাছেলিয়াছ বিদ্যালয়ৰ ৪২ গৰাকী ছাত্ৰ-ছাত্ৰী আৰু ৫ গৰাকী শিক্ষকে শিক্ষামূলক ভ্ৰমণৰ বাবে গৈ আছিল উটিলৈ।

image 52

দ্ৰুতবেগত গৈ থকা বাছখনে পালাক্কাড়ত পিছফালৰ পৰা কেৰালা ৰাজ্যিক পৰিবহণ নিগমৰ এখন যাত্ৰীবাহী বাছত প্ৰচণ্ড জোৰে খুন্দা মাৰে।

এই দুৰ্ঘটনাত ছাত্ৰ-ছাত্ৰী আৰু শিক্ষকসহ নিহত হয় দুয়োখন বাছৰ ৯ জনকৈ যাত্ৰী।

image 54

দুৰ্ঘটনাৰ পিছতে ঘটনাস্থলীত আৰক্ষীৰ দল উপস্থিত হৈ আহত সকলক উদ্ধাৰ কৰি হাস্পতাললৈ প্ৰেৰণ কৰে।

আহত সকলৰ ১২ জনৰ অৱস্থা সংকটজনক বুলি জানিব পৰা গৈছে।

Related Articles

Back to top button