ASSAM

ভিষ্টাডম ৰে’লসেৱাৰ পৰিসৰ শিলচৰলৈ সম্প্ৰসাৰণৰ দাবীৰে ৰে’লমন্ত্ৰীলৈ পত্ৰ সাংসদ গৌৰৱ গগৈৰ

নিউজ ডেস্ক। বৰ্তমান অসমত আৰম্ভ কৰা হৈছে ভিষ্টাডম ৰে’লসেৱা।

মূলতঃ পৰ্যটন খণ্ডৰ বিকাশ আৰু পৰ্যটকক আকৰ্ষণৰ বাবে প্ৰচলন কৰা হৈছে এই ভিষ্টাডম ৰে’ল চলাচল ব্যৱস্থা। যাৰ দ্বাৰা পৰ্যটক সকলে এই ৰে’লত উঠি বিশেষভাৱে নিৰ্মিত দবাৰ পৰা প্ৰাকৃতিক পৰিৱেশ উপভোগ কৰিব পাৰিব।

maxresdefault

শেহতীয়াকৈ এই ৰে’লসেৱা আৰম্ভ কৰা হৈছে গুৱাহাটী আৰু হাফলঙৰ মাজত।

কিন্তু এই সন্দৰ্ভত কিছু আপত্তি কৰিছে কংগ্ৰেছ দলৰ সাংসদ তথা লোকসভাৰ বিৰোধী দলৰ উপ দলপতি গৌৰৱ গগৈয়ে।

E95-YLRv-X0-AARCj8

এই ৰেলসেৱা শিলচৰলৈকে সম্প্ৰসাৰণৰ দাবী উত্থাপন কৰে তেওঁ।

এই সন্দৰ্ভত তেওঁ কেন্দ্ৰীয় ৰেলমন্ত্ৰী অশ্বিনী বৈষ্ণৱলৈয়ো এখন পত্ৰ প্ৰেৰণ কৰে।

1626089814-vistadome-bengaloru

তেওঁ পত্ৰত উল্লেখ কৰে যে, “ভিষ্টাডম ৰেলসেৱা কেৱল গুৱাহাটীৰ পৰা নিউ হাফলং ৰেল ষ্টেচনলৈকেহে চলিছে। ইয়াৰ চলাচলৰ দূৰত্ব অতি কম হৈছে। পৰ্যটকসকলে এই দূৰত্বত বহুত কম সংখ্যক ঠাইহে উপভোগ কৰিবলৈ পাব। সেয়েহে ইয়াক শিলচৰলৈকে সম্প্ৰসাৰণ কৰিব লাগে। কিয়নো শিলচৰ হৈছে ভৌগোলিকভাৱে বিচিত্ৰ অঞ্চল। ভাৰত-বাংলাদেশ সীমান্তত অৱস্থিত এই অঞ্চল ভৌগোলিকভাৱে বিচিত্ৰ। সেয়েহে শিলচৰলৈকে এই ৰেলসেৱা অব্যাহত থাকিলে পৰ্যটকসকলে অধিক মনোৰম প্ৰাকৃতিক পৰিৱেশ উপভোগ কৰিবলৈ পাব। সেয়েহে পৰ্যটকৰ বাবে বিশেষ এই ৰেল সেৱা শিলচৰলৈকে সম্প্ৰসাৰণ কৰিবলৈ মই আহ্বান জনাইছো।”

উল্লেখ্য যে এই ৰে’লসেৱা আৰম্ভ কৰাৰ সিদ্ধান্ত লৈছিল প্ৰাক্তন ৰেলমন্ত্ৰী পিযুষ গোৱেলে।

তেওঁ এই ৰে’লসেৱা লামডিং আৰু বৰাক উপত্যকাৰ বদৰপুৰৰ মাজত আৰম্ভ হ’ব বুলি ঘোষণা কৰিছিল।

উত্তৰ-পূব সীমান্ত ৰে’লৱেৰ মহা প্ৰবন্ধক অংশুল গুপ্তাইয়ো সেই কথা জানিবলৈ দিছিল। কিন্তু পৰৱৰ্তী সময়ত বৰাক উপত্যকাক এই সেৱা লাভৰ পৰা আঁতৰাই ৰখা হ’ল বুলি চৰ্চিত হৈছে।

Related Articles

Leave a Reply

Your email address will not be published. Required fields are marked *

Back to top button