অসম

গঁড়ৰ খড়্গ জ্বলাই দিলে দুই নম্বৰী থাকি যাবঃ খড়্গ দাহনৰ সিদ্ধান্তৰ বিৰুদ্ধে সৰৱ অখিল গগৈ…

অসম আৰক্ষীয়ে কিছুদিন পূৰ্বে জব্দ কৰা শ শ কিলো ড্ৰাগছ ৰাজহুৱাকৈ জ্বলাই দিয়াৰ দৃশ্য হয়তো আপোনাৰ মনত আছে।

এই কাৰ্যৰ প্ৰতি দল সংগঠন নিৰ্বিশেষে আগবঢ়াইছিল সমৰ্থন।

কিন্তু এইবাৰ দীৰ্ঘদিনৰে পৰা চোৰাং চিকাৰীৰ পৰা জব্দ তথা উদ্ধাৰ কৰি জমা কৰি থোৱা গঁড়ৰ খৰ্গ সমূহ ৰাজহুৱাকৈ জ্বলাই দিয়াৰ প্ৰস্তুতি চলাইছে ৰাজ্য চৰকাৰে।

ইতিমধ্যে বোকাখাত ৰাজহুৱা খেলপথাৰত মুখ্য প্ৰধান বন সংৰক্ষকৰ নেতৃত্বত ইয়াৰ প্ৰস্তুতি চলিছে।

ভাৰতত প্ৰথমবাৰৰ বাবে চৰকাৰে জ্বলাই দিব গঁড়ৰ খড়্গ৷

অহা ২২ ছেপ্টেম্বৰত ২,৪৭৯ টা গঁড়ৰ খৰ্গ দাহ কৰিব বোকাখাটৰ ৰাজহুৱা খেলপথাৰত।

পিছে এনে সিদ্ধান্তৰ বিৰুদ্ধে সৰৱ হৈ পৰিছে ৰাইজৰ দলৰ সভাপতি তথা শিৱসাগৰৰ বিধায়ক অখিল গগৈ।

সোমবাৰে শিৱসাগৰত সংবাদ মাধ্যমৰ আগত অসম চৰকাৰৰ এনে সিদ্ধান্তৰ বিৰুদ্ধে তীব্ৰ ক্ষোভ প্ৰকাশ কৰে অখিল গগৈয়ে।

গঁড়ৰ খৰ্গ জ্বলাই দিয়াৰ পৰিৱৰ্তে সকলো খৰ্গ সংৰক্ষণ কৰি পৰ্যটকে চাব পৰাৰ ব্যৱস্থা কৰাৰহে পোষকতা কৰিছে শিৱসাগৰ সমষ্টিৰ বিধায়ক গৰাকীয়ে।

খৰ্গ দাহ কৰা কাৰ্যই প্ৰকৃতি প্ৰেমী সকলৰ মনত আঘাত কৰাৰ উপৰিও গড়ঁৰ খৰ্গক লৈ দুৰ্নীতি কৰাৰ এটা সুবিধা থাকি যাব বুলি অখিল গগৈয়ে প্ৰতিক্ৰিয়া প্ৰকাশ কৰিছ।

চোৰাং চিকাৰীৰ বিৰুদ্ধে থকা প্ৰমাণ নষ্ট কৰাৰ কৌশল নেকি বুলিও সন্দেহ প্ৰকাশ কৰিছে অখিল গগৈয়ে।

Related Articles

Leave a Reply

Your email address will not be published. Required fields are marked *

Back to top button