নিউজ ডেস্কঃ বিহুৰ উছাহৰ মাজতে শোকাবহ পথ দুৰ্ঘটনা।
দুলীয়াজানৰ দিৰিয়ালত পথ দুৰ্ঘটনাত নিহত বাইক আৰোহী এজন যুৱক।
এএছ ০৬কে ১৩৪২ নম্বৰৰ এখন তীব্ৰবেগী চাৰিচকীয়া বাহনে খুন্দা মাৰে এএছ ০৬এজি ৫০৩৭ নম্বৰৰ বাইকত।
দুৰ্ঘটনাত থিতাতে নিহত বাইক আৰোহী যুৱকজনক থাপাবস্তি অঞ্চলৰ গোপী বাহাদুৰ চেত্ৰীৰ পুত্ৰ বিবেক বাহাদুৰ চেত্ৰী বুলি চিনাক্ত কৰা হৈছে।
ইফালে দুৰ্ঘটনা সংঘটিত কৰি ঘটনাস্থলীত বাহনখন এৰি পলায়ন কৰে চালকজনে।
ঘটনাস্থলীত আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰাৰ লগতে ঘটনা সন্দৰ্ভত তদন্ত আৰম্ভ কৰিছে।
