নিউজ ডেস্ক। বাংলাদেশৰ পৰা ভাৰত হৈ দীৰ্ঘদিন ধৰি চলি আছে সাপৰ বিহৰ এক বৃহৎ চোৰাং ব্যৱসায়।
শেহতীয়াকৈ পশ্চিমবংগৰ জলপাইগুৰিত আখতাৰ মাণ্ডু নামৰ ৩১ বছৰীয়া লোক এজনৰ পৰা বন বিভাগে তিনিটাকৈ বিষাক্ত ফেঁটীসাপৰ বিহৰ জাৰ জব্দ কৰিবলৈ সক্ষম হৈছে।
জলাপাইগুৰিৰ পৰা এই বৃহৎ পৰিমাণৰ সাপৰ বিহ চীনলৈ চালান কৰাৰ অপচেষ্টা চলাইছিল মাণ্ডুৱে।
দক্ষিণ দিনাজপুৰৰ হিলি সীমান্ত অঞ্চলৰ বাসিন্দা মাণ্ডুৰ হাতলৈ এই বৃহৎ পৰিমাণৰ সাপৰ বিহ বাংলাদেশৰ পৰা আহিছিল বুলি অনুমান কৰািছে গৰুমাৰা বন্যপ্ৰাণী বিভাগৰ বনকৰ্মীসকলে।
জব্দ হোৱা এই সাপৰ বিহৰ অমুমানিক ১৩ কোটি টকা হ’ব বুলি উল্লেখ কৰিছে বন বিষয়াই।
ইতিমধ্যে জলপাইগুৰি আদালতে ধৃত মাণ্ডুক ৬ দিনৰ বাবে বন বিভাগৰ জিম্মাত দিছে।
In a major operation, three glass jars with 6 pounds of material, claimed as Cobra venom, was seized by a team of Gorumara Wildlife Division. Team was lead ADFO, Gorumara.
— Abir Ghoshal (@abirghoshal) September 10, 2021
The seizure took place in early hours today at Jalpaiguri. One person has been arrested. pic.twitter.com/I7qn67m1gP
স্মৰ্তব্য যে ২০১৫ চনৰ পৰা বন বিভাগে বিভিন্ন সময়ত অভিযান চলাই প্ৰচুৰ পৰিমাণে সাপৰ বিহ জব্দ কৰিবলৈ সক্ষম হৈছে।
এই বিহৰ বজাৰৰ সৈতে এক বৃহৎ অপৰাধী চক্ৰ জড়িত হৈ থকা বুলি সন্দেহ কৰা হৈছে।
