উল্লেখ্য যে, মঙলবাৰে কৰাচী বিশ্ববিদ্যালয়ৰ চৌহদত সংঘটিত এক আত্মঘাতী বিস্ফোৰণত ৩ চীনা নাগৰিকসহ ৪ জনৰ মৃত্যু ঘটে। বিস্ফোৰণটোত আন কেইবাজনো লোকো গুৰুতৰভাৱে আহত হয়।
ইফালে এই বিস্ফোৰণৰ আঁৰত এগৰাকী মহিলা আত্মঘাতী বোমাৰু জড়িত থকাৰ তথ্য পোহৰলৈ অহাৰ পিছতে সৃষ্টি হৈছে চাঞ্চল্য।
পেছাত এগৰাকী শিক্ষয়িত্ৰী শাৰী বালোচ নামৰ আত্মঘাতী বোমাৰু মহিলাগৰাকীয়ে সংঘটিত কৰে এই বিস্ফোৰণ।
দুই সন্তানৰ মাতৃ ৩০ বছৰীয়া মহিলাগৰাকী পেছাত আছিল এগৰাকী শিক্ষয়িত্ৰী।
এনে এগৰাকী উচ্চশিক্ষিত মহিলা কিদৰে সন্ত্ৰাসবাদৰ পথ বাচি ল’লে তাক লৈ সৃষ্টি হৈছে ৰহস্যৰ। আনহাতে আত্মঘাতী বোমাৰুয়ে সংঘটিত কৰা বিস্ফোৰণৰ পিছত মহিলাগৰাকীৰ স্বামীয়ে কৰা এটা টুইটক লৈও প্ৰতিক্ৰিয়াৰ সৃষ্টি হৈছে।
