নিউজ ডেস্কঃ দুৰ্বৃত্তৰ নিৰ্বিচাৰত প্ৰাণ হেৰুৱাইছিল পত্নীয়ে। এই খবৰ লাভ কৰিয়েই হৃদৰোগত আক্ৰান্ত হৈ মৃত্যু ঘটিল স্বামীৰো।
এই শোকাবহ ঘটনা সংঘটিত হৈছে টেক্সাছত।
উল্লেখ্য যে, যোৱা মঙলবাৰে টেক্সাছৰ এখন প্ৰাথমিক বিদ্যালয়ত সংঘটিত নিৰ্বিচাৰ গুলিচালনাৰ ঘটনাত ১৯ জন শিক্ষাৰ্থীকে ধৰি ২১ জন লোকে প্ৰাণ হেৰুৱাইছিল। নিহত সকলৰ ভিতৰত আছিল বিদ্যালয়খনৰ এগৰাকী শিক্ষয়িত্ৰী ইৰ্মা গাৰ্চিয়াও।
পত্নীৰ মৃত্যুৰ বাতৰি লাভ কৰাৰ পিছতে শোকত ভাগি পৰা ইৰ্মাৰ স্বামী জো গাৰ্চিয়াৰো বৃহস্পতিবাৰে হৃদৰোগত আক্ৰান্ত হৈ আকস্মিকভাৱে মৃত্যু ঘটে।
