নিউজ ডেস্কঃ ছবিগৃহত এখন চিনেমা উপভোগ কৰি ওলাই অহাৰ পিছতে উচুপি উঠিল এগৰাকী মুখ্যমন্ত্ৰী।
কুকুৰ আৰু মানুহৰ মাজৰ সম্পৰ্কক লৈ নিৰ্মিত ছবিখন উপভোগ কৰাৰ পিছত আবেগিক হৈ পৰে কৰ্ণাটকৰ মুখ্যমন্ত্ৰী বাসৱৰাজ বোম্বাই।
উল্লেখ্য যে, মাত্ৰ এবছৰ পূৰ্বে নিজৰ আটাইতকৈ মৰমৰ পোহনীয়া কুকুৰটোক হেৰুৱাইছিল মুখ্যমন্ত্ৰী বাসৱৰাজ বোম্বাই।
২০২১ৰ জুলাই মাহত তেওঁ মুখ্যমন্ত্ৰী হিচাপে শপত লোৱাৰ দুুসপ্তাহপূৰ্বে মৃত্যু ঘটিছিল বোম্বাইৰ মৰমৰ পোহনীয়া কুকুৰ ছানীৰ।
কুকুৰটোৰ মৃত্যুত বাসৱৰাজ বোম্বাই টুইটযোগে শোক ব্যক্ত কৰি লিখিছিল যে তেওঁলোকে এজন পৰিয়ালৰ সদস্যক হেৰুৱাইছে।
নিজৰ মৰমৰ কুকুৰটোৰ কথা মনত পেলাই প্ৰায়ে আবেগিক হৈ পৰা মুখ্যমন্ত্ৰী বাসৱৰাজ বোম্বাই যেতিয়া ৰক্ষিত ছেট্টী অভিনীত ‘৭৭৭ চাৰ্লি’ নামৰ ছবিখন উপভোগ কৰে, তাৰ পিছতে তেওঁ কেমেৰাৰ সন্মুখতে উচুপি উঠে। কানাড়া ভাষাৰ এই ছবিখনতো মানুহ আৰু কুকুৰৰ মাজৰ নিস্বাৰ্থ প্ৰেমক উপস্থাপন কৰা হৈছে।
The Karnataka CM lost his dog last year. Watched a movie about dogs today & got emotional. pic.twitter.com/TF5ktcSydd
— Sanket Upadhyay (@sanket) June 14, 2022
সোমবাৰে নিশা মুখ্যমন্ত্ৰী বোম্বাইয়ে সতীৰ্থ মন্ত্ৰী আৰ অশোকা আৰু বি চি নাগেশ, বিধায়ক ৰঘুপতি ভাট আদিৰ সৈতে অৰিয়ান মলৰ মাল্টিপলছত উপভোগ কৰে ‘৭৭৭ চাৰ্লি’। সেই সময়ত মুখ্যমন্ত্ৰীৰ সৈতে একেলগে উপস্থিত থাকে ছবিখনৰ অভিনেতা ৰক্ষিত ছেট্টী আৰু আন আন কলা-কুশলী সকলো।
চিনেমাখনে তেওঁক ইমানেই গভীৰভাৱে প্ৰভাৱিত কৰে যে ছবিগৃহৰ পৰা ওলাই আহি ফ্লিকৰ কথা কৈ থাকোঁতে তেওঁৰ চকুৰে চকুলো ওলাই আহে। চিনেমাখনৰ প্ৰশংসা কৰি তেওঁ কয় যে মানুহ আৰু কুকুৰৰ মাজৰ বন্ধন হৈছে বিশুদ্ধ আৰু নিঃচৰ্ত প্ৰেমৰ উত্তম উদাহৰণ।
মুখ্যমন্ত্ৰীগৰাকীয়ে কয়, “চিনেমাখনত দুয়োৰে মাজৰ সংবেদনশীল আৰু আৱেগিক সম্পৰ্কক চিত্ৰিত কৰা হৈছে। ই কুকুৰটোৰ আৱেগক ভালদৰে ধৰি ৰাখিছে।”
বিপথগামী কুকুৰৰ প্ৰতি উদ্বেগ প্ৰকাশ কৰি বোমাই কয় যে তেওঁ বিশেষজ্ঞৰ সৈতে আলোচনা কৰি বিপথগামী কুকুৰৰ যত্নৰ বাবে এক বিস্তৃত পৰিকল্পনা প্ৰস্তুত কৰিব। কুকুৰ প্ৰশিক্ষকসকলক উৎসাহিত কৰাৰ বাবে বিশেষ কাৰ্যসূচী আৰম্ভ কৰাৰ প্ৰস্তাৱ আমাৰ হাতত আছে।’ তেওঁ কয় যে কুকুৰকে ধৰি বিপথগামী কুকুৰক গ্ৰহণ কৰাটো উৎসাহিত কৰা উচিত।
তেওঁ কয়, “আমি গৌৰৱান্বিত যে কানাড়া চলচ্চিত্ৰ উদ্যোগে ৭৭৭ চাৰ্লি আৰু কেজিএফ- চেপ্টাৰ ২ৰ দৰে ছবিৰে আন্তঃৰাষ্ট্ৰীয় খ্যাতি লাভ কৰিছে। মহীশূৰত প্ৰস্তাৱিত ফিল্ম চিটি পৰিকল্পনা ইতিমধ্যে চূড়ান্ত কৰা হৈছে। ই অতি আধুনিক ষ্টুডিঅ’ৰ সৈতে সমতুল্য হ’ব আৰু ইয়াক যৌথ উদ্যোগ হিচাপে নিৰ্মাণ কৰা হ’ব।’
