দৰাচলতে এই দলংখনৰ কাষতে নিৰ্মাণ কৰা হৈছিল আধুনিক পদ্ধতিৰ এখন কংক্ৰিটৰ দলং। যাৰ বাবে পুৰণি দলংখনৰ ব্যৱহাৰ একেবাৰে হ্ৰাস পাইছিল। ইয়াৰে সুযোগ লৈ চোৰৰ এটা দলে আৰম্ভ কৰিছিল চুৰিৰ প্ৰস্তুতি।
কিন্তু ৰাতিৰ ভিতৰতে দলংখন সন্ধানহীন হোৱাৰ পিছতহে যেন সকলোৰে চকু খোল খায়। এয়া যে এক চুৰিকাণ্ড আছিল, সেয়া বুজিবলৈ তাৰ পিছত অলপো সময় নালাগিল স্থানীয় প্ৰশাসন আৰু নিৱাসী সকলক।
ঘটনা সন্দৰ্ভত ইতিমধ্যে আৰক্ষীয়ে এটা গোচৰ ৰুজু কৰি তদন্ত আৰম্ভ কৰিছে। কিন্তু এই বৃহৎ চুৰি কাৰ্য সংঘটিত কৰা চোৰৰ দলটোৰ এতিয়াও কোনো সন্ধান উলিয়াব পৰা নাই আৰক্ষীয়ে।
উল্লেখ্য যে, ইয়াৰ পূৰ্বে যোৱা বছৰতো বিহাৰত সংঘটিত হৈছিল আন এক বৃহৎ চুৰিকাণ্ড। ৰাজধানী পাটনাৰ পৰা প্ৰায় ১২০ কিলোমিটাৰ নিলগৰ অমিয়াৱাৰ গাঁৱত এটা চোৰৰ দলে ২০০ কোটি টকা মূল্যৰ বালি চুৰি কৰিছিল।
আনহাতে পূৰ্বে আমেৰিকা যুক্তৰাষ্ট্ৰ, ইউক্ৰেইন আৰু চেক গণৰাজ্যতো দলং চুৰিৰ দৰে ঘটনা সংঘটিত হৈছিল।
