পৰম্পৰাগত জোনবিল মেলাৰ লগতে বৰ্তমানৰ আধুনিক সমাজৰ এখন বিশাল মেলাও প্ৰতিবছৰে অনুষ্ঠিত হৈ আহিছিল যদিও ক’ভিড পৰিস্থিতিৰ বাবে এই মেলাও বাতিল কৰিবলগীয়া হোৱাত স্থানীয় লোকসকল হতাশ হৈ পৰে যদিও ৰাজহুৱা স্বাস্থ্যৰ স্বাৰ্থত প্ৰশাসনৰ সিদ্ধান্তক আদৰণি জনায়।
উল্লেখ্য যে, জাগীৰোড চহৰৰ পৰা পাঁচকিলোমিটাৰ উত্তৰে জোনবিলৰ পাৰত পাহাৰ-ভৈয়ামৰ সম্প্ৰীতিৰ পৰম্পৰাৰে এই মেলা অনুষ্ঠিত হৈ আছে য’ত বিশ্বৰ প্ৰাচীন বিনিময় প্ৰথা এতিয়াও চলি আছে।
