আনহাতে অসম-নাগালেণ্ড সীমা সংঘাতক লৈ মন্তব্য কৰি মন্ত্ৰীগৰাকীয়ে কয় যে কম-বেছি পৰিমানে চুবুৰীয়া সকলো ৰাজ্যৰ সৈতে সীমাক লৈ সমস্যা আছে। কিন্তু নাগালেণ্ডৰ সৈতে অসমৰ এই সমস্যা কিছু বেছি। কিন্তু মুখ্যমন্ত্ৰী শৰ্মাৰ নেতৃত্বত সীমা সমস্যা সমাধানৰ প্ৰচেষ্টা হাতত লোৱা হৈছে।
দুয়োখন ৰাজ্যৰ মুখ্যমন্ত্ৰীৰ মাজত ইতিমধ্যে আলোচনাও চলিছে। অতি সোনকালে এই সীমা সমস্যা সমাধান হব বুলি আশা ব্যক্ত কৰে অতুল বৰাই।
ইফালে কোভিড পৰিস্থিতি সন্দৰ্ভত প্ৰতিক্ৰিয়া প্ৰকাশ কৰি অতুল বৰাই কয় যে সজাগ হৈ থাকিলে চিন্তাৰ কোনো কাৰণ নাই। বিহু পালন কৰিব লাগিব, কিন্তু তাৰ সমান্তৰালভাৱে কোভিড বিধিসমূহো মানি চলিব লাগিব।
