নিউজ ডেস্ক। দেশত মূল্যবৃদ্ধিৰ মাধমাৰৰ সময়তে এইবাৰ ক্রেতাৰ ৰূপত শাক-পাচলিৰ বজাৰত দেখা গল কেন্দ্ৰীয় বিত্তমন্ত্ৰী নিৰ্মলা সীতাৰমণক।
শনিবাৰে চেন্নাই ভ্ৰমণৰ সময়ত মাইলাপুৰৰ বজাৰত শাক-পাচলি ক্ৰয় কৰে কেন্দ্ৰীয় মন্ত্ৰীগৰাকীয়ে।
পদপথৰ এগৰাকী ক্ষুদ্ৰ ব্যৱসায়ীৰ পৰা নিৰ্মলা সীতাৰমনে ক্ৰয় কৰে কিছু মিঠা আলু আৰু কেৰেলা।
আনহাতে একে সময়তে বজাৰখনৰ ক্ষুদ্ৰ শাক-পাচলি বিক্রেতাসকলৰ সৈতেও মত-বিনিময় কৰে কেন্দ্ৰীয় বিত্তমন্ত্ৰী গৰাকীয়ে।
চেন্নাই ভ্ৰমণৰ সময়ত শাক-পাচলি ক্ৰয় কৰা নিৰ্মলা সীতাৰমণৰ সেই সময়ৰ ভিডিঅ’ তেওঁ শ্বেয়াৰ কৰিছে টুইটাৰত।
বিত্তমন্ত্ৰী সীতাৰমনৰ কাৰ্যালয়ে টুইটাৰত ভিডিঅ’ শ্বেয়াৰ কৰি লিখিছে, “চেন্নাইৰ দিনজোৰা ভ্ৰমণৰ সময়ত সীতাৰমনে চেন্নাইৰ মাইলাপুৰ বজাৰত ৰয়, য’ত তেওঁ বিক্ৰেতা আৰু স্থানীয় বাসিন্দাসকলৰ সৈতে মত বিনিময় কৰাৰ লগতে শাক-পাচলিও ক্ৰয় কৰে।”
উল্লেখযোগ্য যে, দেশত বৃদ্ধি পোৱা মুদ্ৰাস্ফীতিৰ কেন্দ্ৰবিন্দুত থকা অন্যতম মূল বস্তু হৈছে শাক-পাচলি।
During her day-long visit to Chennai, Smt @nsitharaman made a halt at Mylapore market where she interacted with the vendors & local residents and also purchased vegetables. pic.twitter.com/emJlu81BRh
— NSitharamanOffice (@nsitharamanoffc) October 8, 2022
এই কথা মনত ৰাখি পূৰ্বে বিত্তমন্ত্ৰী নিৰ্মলা সীতাৰমণে কৈছিল যে চৰকাৰে মুদ্ৰাস্ফীতি ৪ শতাংশৰ তলত ৰাখিবলৈ প্ৰচেষ্টা হাতত লৈছে আৰু মানুহে যাতে উচিত মূল্যত আৰু সময়মতে অত্যাৱশ্যকীয় সামগ্ৰী লাভ কৰে তাৰ বাবে পদক্ষেপ গ্ৰহণ কৰা হৈছে।