নিউজ ডেস্ক। ছত্তীশগড়ৰ নাৰায়ণপুৰত শুকুৰবাৰে মাওবাদীৰ নিৰাপত্তা বাহিনীৰ ওপৰত আক্ৰমণ কৰে।
এই আক্ৰমণত আইটিবিপিৰ সহকাৰী কমাণ্ডেণ্টসহ দুজন জোৱান নিহত হয়।
মাওবাদীয়ে নাৰায়ণপুৰ-বৰচুৰ পথত নিৰাপত্তা বাহিনীৰ এটা দলক পথ মুকলি অনুষ্ঠানত আক্ৰমণ কৰে। এই আক্ৰমণ কৰি শ্বহীদ জোৱানসকলৰ অস্ত্ৰ-শস্ত্ৰ আৰু সামগ্ৰী লুটি লৈ পলাই যায়।
এই ভয়াৱহ আক্ৰমণত আইটিবিপিৰ ৪৫ নং বেটেলিয়নৰ সহকাৰী কমাণ্ডেণ্ট সুধাকৰ চিন্দে আৰু জোৱান গুৰমুখ শ্বহীদ হয়। সুধাকৰ চিন্দেৰ ঘৰ মহাৰাষ্ট্ৰৰ নান্দেৰত আৰু গুৰমুখৰ ঘৰ পঞ্জাৱত বুলি জানিব পৰা যায়।
আক্ৰমণৰ পিছত ঘটনাস্থলীলৈ অধিক সামৰিক সহায় প্ৰেৰণ কৰা হৈছিল। সুৰক্ষা বাহিনীয়ে অঞ্চলটো ঘেৰাও কৰে আৰু এক অনুসন্ধান অভিযান আৰম্ভ কৰে।
এজন নিৰাপত্তা বাহিনীৰ বিষয়াই জনোৱা অনুসৰি, এই আক্ৰমণ শুকুৰবাৰে নিশা প্ৰায় ১২.১০ বজাত সংঘটিত হৈছিল।
প্ৰাৰম্ভিক তথ্য অনুসৰি, মাওবাদীয়ে আইটিবিপি কেম্প কাডামেটাৰ পৰা প্ৰায় ৬০০ মিটাৰ দূৰত আইটিবিপিৰ ৪৫ নং বেটেলিয়নৰ এটা দলক আক্ৰমণ কৰিছিল। এই দলটো এটা মাওবাদী আধিপত্য থকা অঞ্চলৰ অভিযানত গৈছিল।
#श्रद्धांजलि
— ITBP (@ITBP_official) August 20, 2021
DG ITBP & all ranks of the Force pay tribute to Sh Shinde Sudhakar, Assistant Commandant/GD & ASI/GD Gurumukh Singh of 45th Battalion ITBP who made the supreme sacrifice in a naxal attack near Kademeta, Narayanpur, Chhattisgarh on 20/8/2021.#भारत_के_वीर pic.twitter.com/y49QzYZAeV
মহাপৰিদৰ্শক বস্তাৰ পি সুন্দৰৰাজে কয় যে নাৰায়ণপুৰ জিলাৰ আইটিবিপি শিবিৰ কাডামেটাৰ ওচৰত মাওবাদীয়ে নিৰাপত্তা বাহিনীৰ দলটোক আক্ৰমণ কৰিছিল। আক্ৰমণটোত দুজন আইটিবিপি জোৱান শ্বহীদ হৈছিল।
মাওবাদী সকলে এটা একে-৪৭ ৰাইফল, দুটা বুলেট প্ৰুফ জেকেট আৰু এটা ৱায়াৰলেচ ছেট লৈ ঘটনাস্থলীৰ পৰা পলায়ন কৰে।