নিউজ ডেস্কঃ এটা দুটা নহয়, ৪৫০০ৰো অধিক নট-বল্টু এখন লোহাৰ দলঙৰ পৰা খুলি চুৰি কৰি লৈ গ’ল চোৰে। চোৰৰ এনে চুৰি কাৰ্যৰ ফলত এতিয়া ভয়ংকৰ দুৰ্ঘটনা সংঘটিত হোৱাৰো আশংকাই দেখা দিছে দলংখনত।
এই আশ্বৰ্যকৰ ঘটনা সংঘটিত হৈছে হাৰিয়ানাৰ পানীপট জিলাৰ যমুনানগৰত। যমুনা মেগনিফিকেশ্যন কেনেলৰ ওপৰত নিৰ্মিত লোহাৰ দলঙৰ পৰা নিশা কোনো দুৰ্বৃত্তই চুৰি কৰি নিয়ে ৪৫০০ ৰো অধিক নট-বল্টু। পুৱা স্থানীয় লোকে এই দৃশ্য প্ৰত্যক্ষ কৰি আতংকিত হৈ পৰে।
নট-বল্টু সমূহ খুলি নিয়াৰ ফলত ইতিমধ্যে দলংখনৰ সংযোগস্থলসমূহ মুকলি হৈ পৰিছে আৰু দুৰ্ঘটনা সংঘটিত হোৱাৰ আশংকা বৃদ্ধি পাইছে।
গাঁওবাসীৰ অভিযোগ অনুসৰি, নিচাসক্ত লোকে নিশা সংঘটিত কৰিছে এই দুষ্কাৰ্য। স্থানীয় লোকে দলংখনৰ দুৰাৱস্থাৰ ফটো আৰু ভিডিঅ’ মোবাইল কেমেৰাত আৱদ্ধ কৰি সামাজিক মাধ্যমত আপলোড কৰাৰ পিছতে ভাইৰেল হৈ পৰিছে।
গাঁওবাসীয়ে এই চুৰি কাৰ্য সন্দৰ্ভত ব্যৱস্থা গ্ৰহণ কৰিবলৈ প্ৰশাসনক দাবী জনাইছে।
দৰাচলতে এই দলংখন কাইল-কালানৌৰ ৰাষ্ট্ৰীয় ঘাইপথৰ মেগনিফিকেচন কেনেলৰ ওপৰত পাঞ্জুপুৰত নিৰ্মাণ কৰা হৈছে।স্থানীয় লোকৰ অভিযোগ অনুসৰি, একাংশ লোকক নিচাসক্ত হৈ এই দলংখনৰ কাষত বহি থকা দেখা যায়। সেইসকল লোকেই এই চুৰিকাৰ্য সংঘটিত কৰাৰ সন্দেহ কৰা হৈছে।
পাঞ্জুপুৰত অৱস্থিত লোহাৰ দলঙৰ পৰা বাদাম বল্ট চুৰি কৰাৰ ঘটনা সন্দৰ্ভত সদৰ যমুননগৰ আৰক্ষী থানাত ৰুজু কৰিছে এক গোচৰ। সদভৱ ইঞ্জিনিয়াৰিং লিমিটেড কোম্পানীৰ প্ৰজেক্ট মেনেজাৰ পংকজৰ অভিযোগৰ ভিত্তিত এই ব্যৱস্থা গ্ৰহণ কৰা হৈছে। তদন্তত ৪৫০০ বাদাম বল্ট আৰু এটা নালা চুৰি হোৱা বুলি জানিব পৰা গৈছে। যাৰ বাবে বিপদত পৰিছে দলংখন। তদুপৰি দুৰ্ঘটনা সংঘটিত হোৱাৰ আশংকাও বৃদ্ধি পাইছে।
আৰক্ষীক দিয়া এজাহাৰত পংকজ কুমাৰে জনোৱা মতে, তেওঁৰ কোম্পানীয়ে কলানৌৰৰ পৰা বৰৱালালৈ ৰাষ্ট্ৰীয় ঘাইপথৰ মেৰামতিৰ কাম কৰি আছে। কোম্পানীটোৱে ২০১৮ চনত কৰহেৰা খুৰদ চ’কৰ প্ৰায় ৪০০ মিটাৰ আগতে খাণ্ডৱা গাঁৱৰ ফালে থকা খালটোত এখন দলং নিৰ্মাণ কৰিছিল। এতিয়া দেখা গ’ল যে দলংখনৰ ষ্ট্ৰেল গেইটাৰৰ পৰা ৪৫০০ বাদাম বল্ট আৰু এটা ষ্ট্ৰিল ক্ৰছ গেইটাৰ চুৰি হৈছে।
