ভয়ংকৰ! বিষাক্ত গেছ নিৰ্গত হোৱাৰ ফলত কমেও ১১ জনৰ মৃত্যু…

নিউজ ডেস্কঃ দেওবাৰৰ দিনটোতে যেন মৃত্যুৰ বিভীষিকা নামিল পঞ্জাৱৰ লুধিয়ানাত।

লুধিয়নাৰ এটা স্থানীয় কাৰাখানা এলেকাত বিষাক্ত গেছ নিৰ্গত হোৱাৰ ফলত কমেও ১১ জন লোকৰ মৃত্যু ঘটাৰ বিপৰীতে আহত হয় আন বহু কেইজন।

আৰক্ষীয়ে জানিবলৈ দিয়া মতে, গেছ নিঃসৰণৰ ফলত অসুস্থ হৈ পৰা ৪ জনক সংকটজনক অৱস্থাত হাস্পতালত ভৰ্তি কৰোৱা হৈছে।

নিহত সকলৰ ভিতৰত দুটি শিশু আৰু ৫ গৰাকী মহিলাও আছে বুলি জানিব পৰা গৈছে।

আৰক্ষীয়ে প্ৰকাশ কৰা অনুসৰি, গিয়াছপুৰ অঞ্চলৰ জনবহুল কাৰখানা এলেকাটোত বিষাক্ত গেছ নিৰ্গত হোৱাৰ খবৰ লাভ কৰাৰ পিছতে আৰক্ষী আৰু উদ্ধাৰকাৰী দল ঘটনাস্থলীত উপস্থিত হয়।

উদ্ধাৰকাৰী দলে শীঘ্ৰে অঞ্চলটো ছীল কৰাৰ লগতে বাসিন্দা সকলক সুৰক্ষিত স্থানলৈ স্থানান্তৰিত কৰাৰ ব্যৱস্থা কৰে।

মুখ্যমন্ত্ৰী ভগৱন মানে এই ঘটনাত শোক প্ৰকাশ কৰি আহত সকলৰ চিকিৎসাৰ বাবে সকলো ব্যৱস্থা গ্ৰহণ কৰিবলৈ নিৰ্দেশ দিছে।