যোৰহাটৰ সাংসদ তপন কুমাৰ গগৈৰ মাতৃৰ বিয়োগ…

যোৰহাট লোকসভা সমষ্টিৰ সাংসদ তপন কুমাৰ গগৈৰ মাতৃৰ বিয়োগ।

চৰাইদেও জিলাৰ সোণাৰিৰ ৰজাপুখুৰী স্থিত চৰাইদেউ অসামৰিক চিকিৎসালয়ত চিকিৎসাধীন হৈ থকা অৱস্থাত সাংসদ গৰাকীৰ মাতৃ সৰুমাই গগৈৰ মৃত্যু হয়।

মৃত্যুৰ সময়ত তেখেতৰ বয়স হৈছিল ৮০ বছৰ।

উল্লেখযোগ্য যে কংগ্ৰেছৰ দূৰ্গ হিচাপে খ্যাত যোৰহাট লোকসভা সমষ্টিটো একেৰাহে ৫ বাৰ প্ৰাক্তন সাংসদ বিজয় কৃষ্ণ সন্দিকৈৰ দখলত আছিল যদিও ২০১৪ চনত প্ৰথমবাৰৰ বাবে বিজেপিৰ কামাখ্যা প্ৰসাদ তাচা জয়ী হৈছিল।

আৰু ২০১৯ চনত বিজেপিৰ হৈ তপন কুমাৰ গগৈ জয়ী হৈছিল।

মাননীয় সাংসদ তথা @BJP4Assam ৰ উপ-সভাপতি শ্ৰীযুত @ToponKumarGogo1 দেৱৰ মাতৃৰ অকাল বিয়োগৰ সংবাদে শোকস্তব্ধ কৰি তুলিছে।

আইৰ বিদেহী আত্মাৰ সদগতি কামনা কৰি গগৈ ডাঙৰীয়া তথা তেখেতৰ পৰিয়ালবৰ্গলৈ গভীৰ সমবেদনা জনাইছোঁ।

ঔঁম শান্তি!

— Ashok Singhal (@TheAshokSinghal) November 18, 2021

নগৰ উন্নয়ন মন্ত্ৰী অশোক সিংঘালেও সাংসদ গৰাকীৰ মাতৃৰ বিয়োগত শোক প্ৰকাশ কৰিছেল।