নিউজ ডেস্কঃ বৰ্তমান ইন্টাৰনেটত ভাইৰেল হৈ পৰা এক দৃশ্য দেখিলে আপোনাৰো মনলৈ আহিব ৰামায়ণৰ কথা। মনত পৰিব শ্ৰৱণ কুমাৰৰ পিতৃ-মাতৃৰ প্ৰতি ভক্তিৰ কথা। পুত্ৰৰ কৰ্তব্য পালন কৰি অন্ধ পিতৃ-মাতৃক কান্ধত লৈ বনে বনে ঘুৰি ফুৰিছিল শ্ৰৱণ কুমাৰ। যাৰ দুৰ্ঘটনাবশতঃ দশৰথৰ শব্দভেদি বাণত মৃত্যু হৈছিল।
একবিংশ শতিকাত ৰাজপথত এনে দৃশ্যই সকলোৰে দৃষ্টি আকৰ্ষণ কৰিছে। কানৱাৰ যাত্ৰাত তেনে এটা দৃশ্য বন্দী হৈছে কোনো এজনৰ কেমেৰাত। কানৱাৰ যাত্ৰাত এগৰাকী যুৱকে নিজৰ বৃদ্ধ পিতৃ-মাতৃক কান্ধত লৈ তীৰ্থযাত্ৰালৈ যোৱা দেখিবলৈ পোৱা গৈছে ভিডিঅ’টোত।
উল্লেখ্য যে, তীৰ্থযাত্ৰীসকলে কানৱাৰ যাত্ৰাত কান্ধত পানীৰ পাত্ৰ লৈ ৰাস্তাত খোজ কাঢ়ে, এইটোৱেই ৰীতি। কিন্তু যুৱ তীৰ্থযাত্ৰী জনৰ কান্ধত পানীৰ সলনি আছিল এহাল বৃদ্ধ দম্পতী।
जहां आजकल बूढ़े मां-बाप का तिरस्कार होता है, उन्हें घर से निकाल दिया जाता है या अपने साथ रहने नहीं दिया जाता.. वहीं आज इसका विपरीत दृश्य देखने को मिला..
— Ashok Kumar IPS (@AshokKumar_IPS) July 19, 2022
लाखों शिवभक्तों के बीच एक श्रवण कुमार भी है जो पालकी में अपने बुज़ुर्ग माता-पिता को लेकर कांवड़ यात्रा पर आया है..
मेरा नमन! pic.twitter.com/phG1h3pfg1
ভিডিঅ’টো আইপিএছ অশোক কুমাৰে টুইট কৰি লিখিছে, “বৰ্তমান সময়ত বৃদ্ধ অভিভাৱকসকলক অৱহেলা কৰা দেখা যায়। আনকি সন্তানে তেওঁলোকক ঘৰৰ পৰা বাহিৰ কৰিও দিয়ে। কিন্তু এইখন ঠিক তাৰ বিপৰীত ছবি। লাখ লাখ ভক্তৰ ভিতৰত আছে এজন, যিয়ে তেওঁৰ পিতৃ-মাতৃক কান্ধত তুলি কানৱাৰ যাত্ৰালৈ আহিছে।’
সামাজিক মাধ্যমত ভিডিঅ’টো ভাইৰেল হৈ পৰাৰ পিছতে হৃদয় জিনিছে লাখ লাখ নেট ব্যৱহাৰকাৰীৰ।
