ৰে’ল আৰক্ষীৰ অভিযানত জব্দ চাৰিটাকৈ 7.65mm পিষ্টলসহ ১৫ ৰাউণ্ড সজীৱ গুলী, আটক ২জন…

বদৰপুৰ ৰে’ল ষ্টেচনৰ ৰে’ল আৰক্ষীৰ অভিযান।

অভিযানত জব্দ চাৰিটাকৈ 7.65mm পিষ্টলসহ ১৫ ৰাউণ্ড সজীৱ গুলী।

লগতে জিআৰপিৰ দলে ঘটনা সন্দৰ্ভত দুজন লোকক আটক কৰিবলৈ সক্ষম হৈছে।

জানিব পৰা মতে, জিআৰপিৰ এটা দলে বদৰপুৰ ৰে’ল ষ্টেচনৰ প্লেটফৰ্ম নং ১ত ফুট অভাৰ দলঙৰ তলত থিয় হৈ থকা তিনিজন সন্দেহজনক ব্যক্তিক দেখিছিল।

জিআৰপি দলটোৱে তেওঁলোকৰ সামগ্ৰী পৰীক্ষা কৰিবলৈ তেওঁলোকৰ ওচৰলৈ যোৱাৰ পিছত তেওঁলোকৰ এজন পলাই যাবলৈ সক্ষম হয় যদিও আন দুজন ব্যক্তিক আটক কৰিবলৈ সক্ষম হৈছে।

আটক হোৱা লোক দুজন বিহাৰৰ বুলি আৰক্ষীয়ে জানিবলৈ দিছে।

আৰক্ষীয়ে জানিবলৈ দিয়া অনুসৰি, জব্দকৃত অস্ত্ৰসমূহ বিহাৰত নিৰ্মাণ কৰা আৰু এই অস্ত্ৰসমূহ ত্ৰিপুৰালৈ সৰবৰাহ কৰিবলৈ আনিছিল।

ঘটনা সন্দৰ্ভত তদন্ত আৰম্ভ কৰিছে আৰক্ষীয়ে।