কংগ্ৰেছী বিধায়ক শ্বেৰমান আলীৰ গ্ৰেপ্তাৰৰ পিছতে জ্বলিছে বাঘবৰ সমষ্টি৷
ৰাজপথত চৰকাৰৰ বিৰুদ্ধে উত্তাল প্ৰতিবাদ সাব্যস্ত শ্বেৰমানৰ একাংশ সমৰ্থকৰ৷
বিধায়কগৰাকীৰ গ্ৰেপ্তাৰৰ খবৰ পোৱাৰ পিছতেই দেওবাৰে পুৱাই একাংশ সমৰ্থকে এইদৰে সাব্যস্ত কৰে প্ৰতিবাদ৷
বাঘবৰ সমষ্টিৰ আলোপতি থানাৰ অন্তৰ্গত বাঘমাৰাচৰত একাংশ সমৰ্থকে বিধায়ক শ্বেৰমান আলীক বিনাচৰ্তে মুক্তি কৰি দিয়াৰ দাবীত তীব্ৰ প্ৰতিবাদ সাব্যস্ত কৰে৷
লগতে বিধায়কগৰাকীৰ গ্ৰেপ্তাৰৰ বিৰোধিতাৰে পালন কৰিছে ১২ ঘণ্টীয় বাঘবৰ সমষ্টি বন্ধ।
আনকি ১২ ঘন্টাৰ ভিতৰত বিধায়ক জনক মুক্তি নিদিলে অনাগত দিনত জংগী আন্দোলন গঢ়ি তোলাৰো হুংকাৰ দিয়ে প্ৰতিবাদকাৰীসকলে৷
উল্লেখ্য যে, শ্বেৰমান আলীয়ে শ্বহীদক লৈ অপমানজনক মন্তব্য কৰাৰ পাছতে ৰাজ্যজুৰি বিধায়কগৰাকীৰ বিৰুদ্ধে জাঙুৰ খাই উঠিছিল বিভিন্ন দল সংগঠন৷
আনকি বিধায়কগৰাকীৰ গ্ৰেপ্তাৰৰ দাবীৰে বিভিন্ন থানাত দল সংগঠনে এজাহাৰ দাখিল কৰাৰ পিছতে শনিবাৰে গ্ৰেপ্তাৰ কৰা হয় বিধায়কজনক৷