মৰ্মান্তিক! মন্দিৰলৈ যোৱাৰ পথতে পুখুৰীত বাগৰি পৰিল ট্ৰেক্টৰ, ৯ জনৰ কৰুণ মৃত্যু

নিউজ ডেস্কঃ ট্ৰেক্টৰ ট্ৰলীৰে মন্দিৰ অভিমুখে গৈ থকাৰ পথতে ভয়ংকৰ পথ দুৰ্ঘটনাত প্ৰাণ হেৰুৱাবলগীয়া হ’ল ৯ জনকৈ লোকে।

এই শোকাবহ দুৰ্ঘটনা সংঘটিত হৈছে উত্তৰ প্ৰদেশৰ লক্ষ্ণৌৰ সমীপত।

জানিব পৰা মতে, মুণ্ডন কাৰ্যসূচীৰ বাবে ৪৫ জন লোকে ট্ৰেক্টৰ-ট্ৰলীৰে মন্দিৰলৈ গৈ আছিল।

সেই সময়তে লক্ষ্ণৌৰ সমীপত ট্ৰেক্টৰখনে নিয়ন্ত্ৰণ হেৰুৱাই এটা পুখুৰীত বাগৰি পৰে।

এই দুৰ্ঘটনাত ৯ জন লোকৰ মৃত্যু ঘটাৰ বিপৰীতে আন ১০ জন আহত হয়।

দুৰ্ঘটনাৰ পিছতে স্থানীয় ৰাইজে আহত সকলৰ উদ্ধাৰ কৰি নিকটৱৰ্তী হাস্পতাললৈ প্ৰেৰণ কৰে।

Uttar Pradesh | A tractor's trolley got disbalanced and overturned in a pond in Itaunja. They were going to a temple. SDRF team rushed to the spot. 37 people rescued and are healthy. 10 people were declared dead at the hospital: Laxmi Singh, IG Lucknow Range pic.twitter.com/ZJFQZ4smhk

— ANI UP/Uttarakhand (@ANINewsUP) September 26, 2022

লক্ষ্ণৌৰ জিলা দণ্ডাধীশ সূৰ্য পাল গংগৱাৰে জানিবলৈ দিয়া মতে, নিহত আৰু আহত সকলৰ চিনাক্তকৰণৰ প্ৰচেষ্টা চলাই থকা হৈছে।

দুৰ্ঘটনাটোৱে সমগ্ৰ অঞ্চলটোত গভীৰ শোকৰ ছাঁ পেলাইছে।