নিউজ ডেস্কঃ চুবুৰীয়া ৰাজ্য মণিপুৰত বুধবাৰে সংঘটিত এক শোকাবহ পথ দুৰ্ঘটনাত মৃত্যু ঘটে ৩ জনকৈ শ্ৰমিকৰ। দুপৰীয়া প্ৰায় ১ বজাত কামজং জিলাৰ চাচ্চাদ আৰক্ষী থানাৰ পৰা প্ৰায় ২০ কিলোমিটাৰ নিলগৰ নামবিশাত সংঘটিত হয় এই দুৰ্ঘটনা।
জানিব পৰা মতে, বুধবাৰে দিনৰ প্ৰায় ১ বজাত নম্বিশাত ৪২-আছাম ৰাইফলছৰ বাবে শিল কঢ়িয়াই নিয়া এমএন ০১-৩৮৬২ নম্বৰৰ এখন ট্ৰাকে নিয়ন্ত্ৰণ হেৰুৱাই পথৰ ওপৰতে বাগৰি পৰাত ট্ৰাকখনত থকা ৩ শ্ৰমিকৰ থিতাতে মৃত্যু ঘটে।
আৰক্ষীয়ে সদৰী কৰা মতে, ট্ৰাকখনৰ ব্ৰেক ফেইল হোৱাৰ ফলত নিয়ন্ত্ৰণ হেৰুৱাই পেলায় আৰু বাগৰি পৰে। যাৰ ফলত ট্ৰাকখনৰ শিলৰ মাজত আৱদ্ধ মৃত্যু ঘটে শ্ৰমিক কেইজনৰ।
