নিউজ ডেস্কঃ ভাৰতৰ কিংবদন্তি ক্ৰীড়াবিদ পি টি ঊষা হ’ব ভাৰতীয় অলিম্পিক সন্থাৰ পৰৱৰ্তী সভানেত্ৰী।
দেওবাৰে টুইটযোগে এই ঘোষণা কৰে কেন্দ্ৰীয় আইন মন্ত্ৰী কিৰেণ ৰিজিজুৱে।
উল্লেখ্য যে, ২৬ নৱেম্বৰত ভাৰতীয় অলিম্পিক সন্থাৰ সভাপতি পদৰ বাবে নিৰ্বাচনত অৱতীৰ্ণ হোৱাৰ কথা ঘোষণা কৰিছিল পি টি ঊষাই।
Congratulations to legendary Golden Girl, Smt. P T Usha on being elected as the President of Indian Olympic Association. I also congratulate all the sporting heroes of our country on becoming the office bearers of the prestigious IOA! Nation is proud of them ! pic.twitter.com/LSHHdmMy9H
— Kiren Rijiju (@KirenRijiju) November 27, 2022
১০ ডিচেম্বৰত নিৰ্বাচন অনুষ্ঠিত হোৱাৰ কথা আছিল যদিও পি টি ঊষাৰ বিৰুদ্ধে আন কোনো প্ৰাৰ্থী অৱতীৰ্ণ নোহোৱাত বিনা প্ৰতিদ্বন্দ্বিতাৰে অলিম্পিক সন্থাৰ সভানেত্ৰী হিচাপে নিৰ্বাচিত হয় এথলিট গৰাকী।
ইয়াৰ লগে লগে ভাৰতীয় অলিম্পিক সন্থাৰ প্ৰথমগৰাকী মহিলা সভানেত্ৰী হিচাপে পৰিগণিত হৈ পৰে পি টি ঊষা।
প্ৰণিধানযোগ্য যে, ১৯৮২ চনৰ পৰা ১৯৯৪ চনৰ ভিতৰত এছিয়ান গেমছত চাৰিটা সোণৰ পদককে ধৰি মুঠ ১১টা পদক অৰ্জন কৰি বিশ্বৰ ভিতৰতে এগৰাকী মহান এথলিট হিচাপে পৰিগণিত হৈছিল পি টি ঊষা।
With the warm support of my Fellow Athletes and National Federations I am humbled and honoured to accept and file for the Nomination of the President Of IOA!
— P.T. USHA (@PTUshaOfficial) November 26, 2022
এছিয়ান গেমছত অসংখ্য সোণৰ পদক লাভ কৰাৰ লগতে ১৯৮৪ চনৰ অলিম্পিকত ৪০০ মিটাৰ হাৰ্ডলছৰ ফাইনেলত চতুৰ্থ স্থান দখল কৰা ৫৮ বছৰীয়া ছানীয়ে ২৭ নৱেম্বৰত নিজৰ দলৰ সৈতে বিভিন্ন পদৰ বাবে ৰাষ্ট্ৰপতি পদৰ প্ৰাৰ্থীত্বৰ কাগজ দাখিল কৰে।