বিষাক্ত কীটৰ দংশনত নাগালেণ্ডত মৃত্যু অসমৰ সেনা জোৱানৰ।
অসম ৰাইফলছৰ জোৱান দৰঙৰ দিপীলা নিকটৱৰ্তী কেন্দুগুৰি গাঁৱৰ ৰূপাপ্রসাদ ডেকাৰ (৫৩) কর্মৰত অৱস্থাত নাগালেণ্ডত মৃত্যু হয়৷
নাগালেণ্ডৰ বার্মা বৰ্ডাৰত কর্তব্যৰত অৱস্থাতে যোৱা ১৯ আগষ্টত মৃত্যু হয় জোৱানজনৰ।
আজি তেওঁৰ নশ্বৰদেহ ঘৰলৈ লৈ অহাত শোকাকুল পৰিৱেশৰ সৃষ্টি হয়৷
আজি দিনৰ ২.৩০ বজাত নশ্বৰদেহ সেনাবাহিনীৰ তৰফৰ আনি পৰিয়ালক চমজাই দিয়ে পৰিয়ালৰ লোকক৷
সেনাবাহিনীৰ তৰফৰ পৰা সম্পূর্ণ সামৰিক মর্যাদাৰে শেষ বিদায় জনোৱাৰ পাছতেই যথা ৰীতিৰে মৃতদেহ সৎকাৰ কৰে গাঁওবাসীয়ে৷
১৯৮৬ চনত চাকৰিত যোগদান কৰা ডেকাই নিজৰ যোগ্যতাৰ বলত ‘ছুবেডাৰ’ পদত অধিষ্ঠিত হৈছিল৷
উল্লেখ্য যে নাগালেণ্ডৰ বার্মা ব’ডাৰত কর্তব্যৰত অৱস্থাতে যোৱা ৬ আগষ্টত বিষাক্ত মকৰা জাতীয় পোকে দংশন কৰিছিল জোৱানজনক৷
এই পোকে দংশন কৰাৰ পাছতেই শৰীৰত বিভিন্ন উপসর্গই দেখা দিয়ে৷
প্রথমতে টাইফয়েড, তাৰ পাছত ডায়েবেটিছ ৰোগত ভুগি শর্কৰাৰ পৰিমাণ শৰীৰত একেবাৰে নোহোৱা হৈ যোৱাত ১৯ আগষ্টত মৃত্যুক আঁকোৱালি লয়৷
চাকৰি সমাপ্তিৰ দিনটোলৈ মাজত ছবছৰ বাকী থকা ডেকাৰ মৃত্যুত বৃহত্তৰ দিপীলা আৰু কেন্দুগুৰি অঞ্চলত পৰিছে শোকৰ ছাঁ।
