টকিঅ’ৰ পৰা দেশলৈ আহিছে আন এক ভাল খবৰ
পেৰালিম্পিকত ভাৰতৰ দ্বিতীয়টো পদক লাভ।
পেৰালিম্পিকত পদক লাভ নিশাদ কুমাৰৰ।
নিশাদ কুমাৰে দেওবাৰে ২০২০ টকিঅ’ পেৰালিম্পিকত হাই জাম্প টি-৪৭ ত ৰূপৰ পদক লাভ কৰে।
২৪ জনীয়া এথলেটিকছ দলত স্থান লাভ কৰা নিশাদ কুমাৰে টকিঅ’ পেৰালিম্পিকত পদক লাভ কৰিবলৈ ইচ্ছা কৰিছিল।
তেওঁ পুৰুষৰ হাই জাম্প (টি-৪৭)ত প্ৰতিদ্বন্দিতা কৰাৰ সময়ত সোণৰ ওপৰত দৃষ্টি ৰাখিছিল।
হিমাচল প্ৰদেশৰ সৰু চহৰ উনাৰ যুৱক জনে বহুতো বাধা অতিক্ৰম কৰি এই পৰ্যায়ত তেওঁ উপনীত হৈছে।
উল্লেখ্য যে ২০১৯ চনত ডুবাই বিশ্ব পেৰা এথলেটিকছ চেম্পিয়নশ্বিপত কুমাৰৰ ব্যক্তিগত শ্ৰেষ্ঠ ২ মিটাৰটোৱে টকিঅ’ খেলত নিজৰ স্থান নিশ্চিত কৰিছিল। তেওঁৰ জাম্পে পুৰুষৰ হাই জাম্প টি-৪৭ত ব্ৰঞ্জৰ পদক লাভ কৰিছিল।
খেলুৱৈজনৰ বাবে ই আছিল এটা ভাল অভিজ্ঞতা। কিয়নো তেওঁ তেওঁৰ প্ৰথম বিশ্ব চেম্পিয়নশ্বিপত পদক অৰ্জন কৰি সফলতা লাভ কৰিছিল।
পেৰালিম্পিকত তেওঁ নিজৰ স্থান নিশ্চিত কৰাৰ লগে লগে তেওঁ তেওঁৰ পৰৱৰ্তী লক্ষ্যৰ ওপৰত দৃষ্টি ৰাখিছিল।
