ভোগালীৰ আনন্দ উচাহৰ এই ক্ষণৰ মাজতে সৰোভগস্থিত ঐতিহাসিক শ্ৰীশ্ৰীমইনবড়ি সত্ৰত উপস্থিত হৈ ৰাজ্য তথা দেশবাসীৰ সুখ, সমৃদ্ধি আৰু কুশল-মংগলৰ বাবে গুৰু আসনত সেৱা আগবঢ়ায় মুখ্যমন্ত্ৰী হিমন্ত বিশ্ব শৰ্মাই।
সত্ৰৰ পৰাই তেওঁক অসমবাসীক ভোগালী বিহুৰ শুভেচ্ছা জনায়।
মুখ্যমন্ত্ৰী ড০ শৰ্মাই নাৰায়ণ দাস ঠাকুৰ আতাই প্ৰতিষ্ঠা কৰা শ্ৰীশ্ৰী মইনবড়ি সত্ৰত উপস্থিত হ’বলৈ পাই নিজকে সৌভাগ্যৱান বুলি মন্তব্য কৰে।
আনহাতে সত্ৰখনৰ গুৰু আসনত সেৱা আগবঢ়োৱাৰ পিছত মুখ্যমন্ত্ৰীগৰাকীয়ে মইনবড়ি সত্ৰৰ বিভিন্ন দিশ সম্পৰ্কে এক আলোচনাত অংশ লয়।
সত্ৰখনৰ সৰ্বাংগীণ উন্নয়নৰ বাবে ৰাজ্য চৰকাৰে সকলো প্ৰকাৰৰ সহযোগিতা কৰিব বুলি উল্লেখ কৰি মইনবড়ি সত্ৰৰ পূৰ্বৰ স্থানবোৰতো সত্ৰখন প্ৰতিষ্ঠা কৰিবলৈ মুখ্যমন্ত্ৰীয়ে ব্যৱস্থা গ্ৰহণ কৰিব বুলি মন্তব্য কৰে৷
সত্ৰখনৰ উন্নয়নৰ বাবে জনোৱা আবেদনৰ ভিত্তিত সত্ৰখনৰ আন্তঃগাঁথনি সবলীকৰণৰ বাবে ৰাজ্য চৰকাৰে প্ৰয়োজনীয় পুঁজিৰ আবণ্টন দিয়াৰ লগতে সকলো যাৱতীয় ব্যৱস্থা গ্ৰহণ কৰিব। তদুপৰি পূৰ্বে যি স্থানত এই সত্ৰখন প্ৰতিষ্ঠা কৰা হৈছিল সেই স্থানত সত্ৰখন পুনৰ গঢ়ি তুলিবলৈ আমি পদক্ষেপ গ্ৰহণ কৰিম। pic.twitter.com/KWaEacMPKh
— Himanta Biswa Sarma (@himantabiswa) January 13, 2022
আনহাতে, বেকী নদীৰ খহনীয়াত ঐতিহাসিক সত্ৰখনৰ বহু ভূমি জাহ যোৱাৰ বিষয়টো গুৰুত্বসহকাৰে লৈ মইনবড়িত আৰু কিছু মাটি সত্ৰৰ নামত লৈ সত্ৰখনৰ পৰিসৰ বৃদ্ধিৰ চিন্তা-চৰ্চা চলি থকা বুলিও জানিবলৈ দিয়ে মুখ্যমন্ত্ৰী ড০ হিমন্ত বিশ্ব শৰ্মাই।
