নিউজ ডেস্কঃ প্ৰধানমন্ত্ৰী নৰেন্দ্ৰ মোডীৰ শিক্ষাগতা অৰ্হতা জানিব বিচাৰি আদালতৰ ৰোষত পৰিবলগীয়া হ’ল দিল্লীৰ মুখ্যমন্ত্ৰী অৰবিন্দ কেজৰিৱাল।
শুকুৰবাৰে গুজৰাট উচ্চ ন্যায়ালয়ে কেজৰিৱালৰ ওপৰত ২৫ হাজাৰ টকাৰ জৰিমণা বিহে।
আদালতৰ এই ৰায়ক লৈ এতিয়া সৃষ্টি হৈছে তীব্ৰ প্ৰতিক্ৰিয়াৰ।
আদালতৰ এই ৰায়ৰ পিছতে দিল্লীৰ মুখ্যমন্ত্ৰীগৰাকীয়ে টুইট কৰি পুনৰ প্ৰধানমন্ত্ৰীৰ বিৰুদ্ধে সৰৱ হৈ পৰে।
টুইটত কেজৰিৱালে লিখিছে, ‘প্ৰধানমন্ত্ৰী কিমান শিক্ষিত সেই কথা জানিবলৈও দেশৰ অধিকাৰ নাই নেকি?’
কেজৰিৱালে পুনৰ লিখিছে, ‘তেওঁ আদালতত নিজৰ ডিগ্ৰী দেখুওৱাৰ বিৰোধিতা কৰে। কিয়? আৰু ডিগ্ৰী চাবলৈ দাবী কৰাসকলক জৰিমণা বিহা হ’ব নেকি? এয়া কি চলি আছে? নিৰক্ষৰ আৰু কম শিক্ষিত প্ৰধানমন্ত্ৰী দেশৰ বাবে অতি বিপজ্জনক।’
क्या देश को ये जानने का भी अधिकार नहीं है कि उनके PM कितना पढ़े हैं? कोर्ट में इन्होंने डिग्री दिखाए जाने का ज़बरदस्त विरोध किया। क्यों? और उनकी डिग्री देखने की माँग करने वालों पर जुर्माना लगा दिया जायेगा? ये क्या हो रहा है?
— Arvind Kejriwal (@ArvindKejriwal) March 31, 2023
अनपढ़ या कम पढ़े लिखे PM देश के लिए बेहद ख़तरनाक हैं https://t.co/FtSru6rddI
