গুৱাহাটী মহানগৰীৰ পৰা ১৫ ফেব্ৰুৱাৰীত নিৰুদ্দেশ হোৱা দুগৰাকী যুৱতীয়ে আলফা স্বাধীনত যোগদান কৰা বুলি অনেক জল্পনা কল্পনা চলি থকাৰ মাজতে বিস্ফোৰক মন্তব্য প্ৰকাশ কৰিছে আলফা (স্বা)ৰ সেনাধ্যক্ষ পৰেশ বৰুৱাই।
সোমবাৰে সংবাদ মাধ্যমলৈ জাৰি কৰা এক বিবৃত্তিত পৰেশ বৰুৱাই স্পষ্ট কৰি দিয়ে যে মহানগৰীৰ পৰা সন্ধানহীন হোৱা এগৰাকী যুৱতীয়েহে আলফা (স্বা)ত যোগদান কৰিছে।
আলফাৰ সেনাধ্যক্ষগৰাকীৰ এই স্পষ্টীকৰণে ৰাজ্যত সৃষ্টি কৰিছে প্ৰতিক্ৰিয়াৰ।
পৰেশ বৰুৱাই অধিক তথ্য ভাগ বতৰা কৰি কয় যে আলফাত যোগদান কৰা সকলো নতুন নিযুক্তিৰ বিষয়ে তেওঁ জ্ঞাত নাছিল। কিন্তু তেওঁ অলপতে যোগদান কৰা দাস উপাধিৰ এগৰাকী নতুন যুৱতীৰ বিষয়ে জানিব পাৰে।
আনহাতে মহানগৰীৰ পৰা নিৰুদ্দিষ্ট হোৱা ডেকা উপাধিৰ কোনো যুৱতী আলফাত যোগদান কৰাৰ বিষয়ে তেওঁ জ্ঞাত নহয় বুলিও স্পষ্ট কৰি দিয়ে পৰেশ বৰুৱাই।
আলফাৰ সেনাধ্যক্ষই লগতে কয় যে মানুহে আলফাত যোগদান কৰি থাকিব যেতিয়ালৈকে সংগঠনৰ দাবী পূৰণ নহয়। তেওঁ কয় আলফাত যোগদান কৰিবলৈ যুৱক-যুৱতীসকল বহু কাৰণত উদ্বুদ্ধ হব পাৰে।
পৰেশ বৰুৱাই লগতে দাবী কৰে যে ৰাজ্যখনৰ ৭০% তকৈও অধিক যুৱক-যুৱতীয়ে নিষিদ্ধ গোটটোত যোগদান কৰিছিল যাৰ মুখ্য কাৰণ হৈছে তেওঁলোকৰ মাতৃভূমি অৰ্থাৎ অসমৰ প্ৰতি তেওঁলোকৰ মৰম আৰু ভালপোৱা। আনহাতে, কিছুমান যুৱক আছে যিয়ে তেওঁলোকৰ পাৰিবাৰিক পৰিস্থিতি আৰু অন্যান্য সম্পৰ্কিত সমস্যাৰ বাবে আলফাত যোগদান কৰিছে।
লক্ষণীয়ভাৱে, ১৯ ফেব্ৰুৱাৰী শনিবাৰে অসম ডিজিপি (আৰক্ষী সঞ্চালক প্ৰধান) ভাস্কৰ জ্যোতি মহন্তই দাবী কৰিছিল যে গুৱাহাটীৰ পৰা সন্ধানহীন হোৱা যুৱতী দুগৰাকীয়ে আলফা (স্বা)ত যোগদান কৰিছে আৰু এতিয়ালৈকে প্ৰাপ্ত তথ্য অনুসৰি তেওঁলোক শেহতীয়াকৈ ম্যানমাৰত উপস্থিত হৈছে।
ৰুমি ডেকা আৰু সৰস্বতী দাস বুলি চিনাক্ত কৰা যুৱতী দুগৰাকী মহানগৰীৰ উজান বজাৰ অঞ্চলত অৱস্থিত খাৰগুলীৰ পৰা সন্ধানহীন হৈছিল।
