২৬ আগষ্টলৈকে অসমত প্ৰবল বৃষ্টিপাত হোৱাৰ সম্ভাৱনা…

আজিৰে পৰা ৰাজ্যত প্ৰবল বৃষ্টিপাতৰ সম্ভাৱনা।

বৰঝাৰ আঞ্চলিক বতৰ বিজ্ঞান কেন্দ্ৰই সদৰি কৰিছে এই কথা।

অসমকে ধৰি উত্তৰ-পূবৰ আন ৰাজ্যসমূহতো হ’ব পাৰে বৰষুণ।

মৌচুমী বায়ুৰ প্ৰভাৱতে বৰষুণ অহাৰ সম্ভাৱনাৰ কথা উল্লেখ কৰিছে বতৰ বিজ্ঞানীসকলে।

এই কেইদিনৰ ভিতৰত বংগোপ সাগৰৰ পৰা উত্তৰ-পূবৰ কাষেৰে পাৰ হৈ যাব মৌচুমী বতাহ। 

২৪ আৰু ২৫ আগষ্টত অতি প্ৰবল বৃষ্টিপাতৰ সম্ভাৱনা।

২৬ আগষ্টলৈ বৰষুণৰ মাত্ৰা অধিক বৃদ্ধি হোৱাৰ সম্ভাৱনা ব্যক্ত কৰিছে বৰঝাৰস্থিত আঞ্চলিক বতৰ বিজ্ঞান কেন্দ্ৰই।