এক ভয়ংকৰ পথ দুৰ্ঘটনা।
তীব্ৰবেগী ডাম্পাৰৰ খুন্দাত ট্ৰেইলাৰৰ তলত সোমাল বাইক আৰোহী, নিহত এজন।
জাগীৰোডৰ পশ্চিম নগাঁৱৰ ৩৭নং ৰাষ্ট্ৰীয় ঘাইপথত সংঘটিত হৈছে এই ভয়ংকৰ দুৰ্ঘটনাটো।
AS-21J-5982 নম্বৰৰ এখন মটৰচাইকেলত দ্ৰুতবেগী ডাম্পাৰে প্ৰচণ্ড খুন্দা মৰাৰ ফলত মটৰচাইকেলসহ দুই আৰোহী সোমাই পৰে পথৰ কাষত ৰৈ থকা NL-01AF-5973 নম্বৰৰ এখন ট্ৰেইলাৰৰ তলত।
দুৰ্ঘটনাত থিতাতে নিহত হয় আবুল বাচাৰ নামৰ এজন প্ৰায় ৪০ বছৰীয়া যুৱক ৷
আনহাতে সংকটজনক আৱস্থাত জাগীৰোডৰ মহাত্মা গান্ধী আদৰ্শ চিকিৎসালয়ত চিকিৎসাধীন হৈ আছে আজাহাৰুদ্দিন নামৰ আন এজন যুৱক।
দুয়োৰে ঘৰ নেলীৰ মাটি পৰ্বতত বুলি জানিব পৰা গৈছে ৷
ঘটনাস্থলীত জাগীৰোড আৰক্ষী উপস্থিত হৈ আৰম্ভ কৰিছে তদন্ত ৷
উল্লেখ্য যে দুৰ্ঘটনা সংঘটিত কৰা ডাম্পাৰখন পলায়ন কৰে ঘটনাস্থলীৰ পৰা।