নিউজ ডেস্ক। বৃহস্পতিবাৰে সন্ধিয়া প্ৰায় ৭:৩০ বজাত ধেমাজি জিলাৰ চিচিবৰগাঁওত ১৫ নং ৰাষ্ট্ৰীয় ঘাইপথত সংঘটিত এক পথ দুৰ্ঘটনাত এটা হাতী পোৱালীৰ কৰুণ মৃত্যু ঘটে।
জানিব পৰা মতে, চিলাপথাৰৰ পৰা ডিমৌলৈ আহি থকা অৱস্থাত এখন বিলাসী বাহনে নিয়ন্ত্ৰণ হেৰুৱাই মাক তথা মাউতৰ লগত আহি থকা এটা হাতী পোৱালীক পিছফালৰ পৰা জোৰেৰে মহটিয়াই লৈ যায়। ফলত হাতীৰ পোৱালীটো থিতাতে নিহত হয় ।
দুর্ঘটনাগ্রস্ত বাহনখনৰ নম্বৰ হ’ল এ এছ-০৬ এম ৮১২৮।
এই দুৰ্ঘটনাত হাতীৰ সৈতে যোৱা তিনিজনকৈ লোক এই দুৰ্ঘটনাত গুৰুতৰভাৱে আহত হয়।
