চলন্ত অৱস্থাত হঠাৎ দাওদাওকৈ জ্বলি উঠিল এখন চাৰিচকীয়া বাহন।
দলগাঁৱৰ বেছিমাৰীত সংঘটিত হৈছে এই ঘটনা।
গাড়ীখনত খেৰ ভৰ্তি আছিল বুলি জানিব পৰা গৈছে৷
গাড়ীখন ৰৌতাৰ পৰা বেছিমাৰী অভিমুখে গৈ থকা অৱস্থাত বেছিমাৰী ব্লকৰ সমীপত সংঘটিত হয় এই ঘটনা৷
তৎক্ষণাত গাড়ীৰ চালকে গাড়ী খন বেছিমাৰী ব্লকৰ কেম্পাছৰ ভিতৰত সোমাই দিয়াত স্থানীয় ৰাইজৰ সহযোগত ৰক্ষা পৰে গাড়ীখন৷
গাড়ীখনত জুই জ্বলি থকা অৱস্থাত স্থানীয় ৰাইজে বালি আৰু পানীৰে জুই নমোৱাৰ চেষ্টা অব্যাহত ৰখাৰ সময়ত ঘটনাস্থলীত অগ্নিনিৰ্বাপক বাহিনীৰ লোক উপস্থিত হৈ সম্পূৰ্ণভাবে জুই নমাবলৈ সক্ষম হয়৷
গাড়ীখনৰ নম্বৰ AS 13 AC0375৷
