পুনৰ আৰক্ষীৰ জালত নগাঁও কোষাগাৰৰ কৰ্মচাৰী৷
কোষাগাৰৰ গাণনিক সঞ্জীব মিশ্ৰক গ্ৰেপ্তাৰ কৰে নগাঁও সদৰ থানাৰ আৰক্ষীয়ে৷
নগাঁও চহৰৰ পলিটেকনিকৰ ওচৰৰ বাসগৃহৰ পৰা সঞ্জীব মিশ্ৰক আৰক্ষীয়ে গ্ৰেপ্তাৰ কৰে৷
উল্লেখ্য যে, বুধবাৰে আৰক্ষীয়ে নগাঁও কোষাগাৰৰ পৰা নিম্নবৰ্গ গাননিক সহায়িকা খুচবু হৰলালকাক উৎকোচ লোৱা অবস্থাত কৰায়ত্ব কৰিছিল৷
ইয়াৰ পিছতে আৰক্ষীৰ জেৰাত খুচবুয়ে সহযোগী হিচাবে গাননিক সঞ্জীব মিশ্ৰ থকা বুলি স্বীকাৰোক্তি দিয়ে।
তাৰ পাছতে আৰক্ষীয়ে সঞ্জীৱ মিশ্ৰকো গ্ৰপ্তাৰ কৰে৷
আৰক্ষীৰ মতে মিশ্ৰৰ বিৰুদ্ধে উৎকোচ বিচৰাৰ একাধিক অভিযোগ আছে৷
বৃহস্পতিবাৰে উৎকোচৰ অভিযোগত অভিযুক্ত সঞ্জীব মিশ্ৰ আৰু খুচবুৰ হৰলালকাক গুৱাহাটীৰ বিশেষ আদালতত হাজিৰ কৰোৱা হয়।
