ৰাষ্ট্ৰীয়অসমীয়া

শোকাবহ! পথ দুৰ্ঘটনাত দুগৰাকী জুনিয়ৰ আৰ্টিষ্টৰ মৃত্যু, দ্বি-খণ্ডিত হ’ল বিলাসী বাহন

নিউজ ডেস্ক। এক শোকাবহ পথ দুৰ্ঘটনাত শনিবাৰে প্ৰাণ হেৰুৱালে দুগৰাকী জুনিয়ৰ আৰ্টিষ্টসহ ৩ জনে।

হায়দৰাবাদৰ কেন্দ্ৰীয় বিশ্ববিদ্যালয়ৰ ওচৰৰ চাইবাৰাবাদৰ গাচিবাউলিত সংঘটিত হয় এই ভয়ংকৰ পথ দুৰ্ঘটনা।

জানিব পৰা মতে, এখন চলচ্চিত্ৰৰ দৃশ্যগ্ৰহনৰ বাবে লিংগাম্পল্লীলৈ গৈ থকা সময়তে তেওঁলোকৰ বাহনখনে নিয়ন্ত্ৰণ হেৰুৱাই পথৰ দাঁতিৰ এডাল গছত প্ৰচণ্ড জোৰে খুন্দা মাৰে। যাৰ ফলত বাহনখন টুকুৰা টুকুৰ হৈ চিটিকি পৰে।

99b9708984188daba74846adf14fe8fe-original

দুৰ্ঘটনাত জুনিয়ৰ আৰ্টিষ্ট এন মানসা(২৩) আৰু এম মানসা (২১)ৰ লগতে গাড়ীখন চলাই থকা ২৫ বছৰীয়া বেংক কৰ্মচাৰী আব্দুল ৰহীমৰ ঘটনাস্থলীত মৃত্যু ঘটে।

15

ইফালে বাহনৰ ভিতৰত থকা আন এজন জুনিয়ৰ আৰ্টিষ্ট সাই সিদ্ধু দুৰ্ঘটনাত গুৰুতৰভাবে আহত হয়।

আৰক্ষীয়ে জানিবলৈ দিয়া মতে বাহনৰ ভিতৰত থকা আটাইকেইজন গাড়ীখন ভাড়ালৈ লৈ দৃশ্যগ্ৰহনৰ বাবে গাচিবাউলিৰ পৰা লিংগামপল্লীলৈ গৈ আছিল।

আনহাতে খবৰ অনুসৰি, তেওঁলোকে যাত্ৰা আৰম্ভ কৰাৰ পূৰ্বে আব্দুল ৰহীমৰ ঘৰত সুৰাপানো কৰিছিল। আৰু তাৰ পিছতে বাহনখনে নিয়ন্ত্ৰণ হেৰুৱাই গছত খুন্দা মৰাত দুৰ্ঘটনা সংঘটিত হয়।

আৰক্ষীয়ে পৰৱৰ্তী সময়ত ঘটনাস্থলীত উপস্থিত হৈ মৃতদেহ কেইটা উদ্ধাৰ কৰি ওচমানিয়া জেনেৰেল হাস্পতাললৈ মৰণোত্তৰ পৰীক্ষাৰ বাবে প্ৰেৰণ কৰে।

ঘটনা সন্দৰ্ভত তদন্ত আৰম্ভ কৰিছে আৰক্ষীয়ে।

লগতে চাওকঃ

সুদক্ষ আৰক্ষী বিষয়া মস্কো শইকীয়াৰ আকস্মিক বিয়ােগ

Related Articles

Leave a Reply

Your email address will not be published.

Back to top button