নিউজ ডেস্কঃ কাৰ্বি আংলং জিলাৰ ডিফুত ভয়ংকৰ পথ দুৰ্ঘটনা।
ছুইফ্ট আৰু অটোৰিক্সা বাহনৰ মাজৰ সংঘৰ্ষত গুৰুতৰভাৱে আহত দুয়োখন বাহনৰ চালক।
সোমবাৰে পুৱা ডিফু-মাঞ্জা পথত সংঘটিত হয় এই ভয়াবহ পথ দুৰ্ঘটনা।
জানিব পৰা মতে, পুৱা প্ৰায় ৮.৩০ বজাত ডিফুৰ পৰা মাঞ্জা অভিমুখে গৈ থকা এএছ ০৯ডি ৬৬৮৮ নম্বৰৰ ছুইফ্ট ডিজায়াৰ বাহনখনৰ সৈতে মুখামুখি সংঘৰ্ষ ঘটে বিপৰীত দিশৰ পৰা অহা এএছ ০৯বিচি ১৫২৯ নম্বৰৰ যাত্ৰীবাহী অটোখনৰ।
দুৰ্ঘটনাৰ পিছত দুয়োখন বাহন বাগৰি পৰে পথৰ দাঁতিৰ খাৱৈত।
যাৰ ফলত গুৰুতৰভাৱে আঘাতপ্ৰাপ্ত হয় অটোখনৰ চালক আৰু এজন যাত্ৰী।
ঘটনাস্থলীত আৰক্ষীৰ দল উপস্থিত হৈ আহত দুয়োজনক সংকটজনক অৱস্থাত ভৰ্তি কৰে হাস্পতালত।
