বিজেপি এৰিলে হিন্দুত্ববাদী নেতা সত্যৰঞ্জন বৰাই।
বিজেপিৰ সক্ৰিয় আৰু প্ৰাথমিক সদস্য পদো ত্যাগ কৰে সত্যৰঞ্জন বৰাই।
সামাজিক মাধ্যম যোগে এই কথা সদৰি কৰিছে বৰাই।

তেওঁ লিখিছে- আজি ২৪ জুন ২০২২ তাৰিখে মই “ভাৰতীয় জনতা পাৰ্টি” বিজেপিৰ সক্ৰিয় সদস্যতা (২০১৫৬) ৰ লগতে প্ৰাথমিক সদস্যতা (১০০৪৪২৫৮৯৯) ত্যাগ কৰি দলৰ লগত থকা সকলো ধৰণৰ ৰাজনৈতিক সম্পৰ্কৰ পৰা আঁতৰি আহিলোঁ।

‘কেৱল বিজেপি বুলিয়েই নহয়; অনাগত দিনত যিকোনো ধৰণৰ সংসদীয় ৰাজনীতিৰ পৰা নিজকে আঁতৰাই আনিলোঁ।’

‘অতি কম সময়ৰ ভিতৰত মোক ভাৰতীয় জনতা পাৰ্টি, অসম প্ৰদেশে যিখিনি দায়িত্ব আৰু মান-সন্মান দিলে; তাৰবাবে মই বিশ্বৰ সৰ্ববৃহৎ ৰাজনৈতিক দলটোৰ ওচৰত চিৰ কৃতজ্ঞ হৈ থাকিম।’