কেক কেৱল খোৱাই নহয়, পিন্ধিবও পাৰি! বিশ্বৰ সৰ্ববৃহৎ কেক ড্ৰেছ তৈয়াৰ কৰি অভিলেখ এগৰাকী বেকাৰৰ…
নিউজ ডেস্কঃ কেক খোৱা বস্তু, সেয়া আপুনি জানে। কিন্তু কেক খোৱাৰ উপৰি পিন্ধিবও পাৰি বুলি ক’লে হয়তো আপুনি বিশ্বাস কৰিবলৈ টান পাব।
অবিশ্বাস্য যেন লাগিলেও খাব পৰা কেকেৰেই পোছাক তৈয়াৰ কৰি গিনিজ বুক অৱ ৱৰ্ল্ড ৰেকৰ্ডত নাম সন্নিৱিষ্ট কৰিবলৈ সক্ষম হ’ল এগৰাকী বেকাৰে।
ছুইজাৰলেণ্ডৰ নিৱাসী নাটাছা কলিন কিম ফাহ লি ফকাজে ১৩১.১৫ কেজি ওজনৰ কেকেৰে পিন্ধিব পৰা পোছাক তৈয়াৰ কৰি লাভ কৰিবলৈ সক্ষম হৈছে গিনিজ ৱৰ্ল্ড ৰেকৰ্ড।
ছুইজাৰলেণ্ডৰ বিশ্ব বিবাহ মেলাৰ সময়ত নাটাছাই বিশ্ব অভিলেখ গঢ়িবলৈ চেষ্টা কৰিছিল।
গিনিজ ৱৰ্ল্ড ৰেকৰ্ডৰ তথ্য অনুসৰি চলিত বৰ্ষৰ ১৫ জানুৱাৰীত নাটাছাই পৰম্পৰাগত কেকৰ উপাদানৰে নিৰ্মিত তেওঁৰ সৃষ্টি উন্মোচন কৰে।
এই পোছাকজোৰৰ পৰিধি ৪.১৫ মিটাৰ, উচ্চতা ১.৫৭ মিটাৰ আৰু ব্যাস ১.৩১৯ মিটাৰ। ইয়াক এলুমিনিয়ামৰ ফ্ৰেমৰ সহায়ত ৰখা হৈছিল যিয়ে স্কাৰ্টৰ কাম কৰিছিল।
ইয়াৰ উপৰিও ইয়াত কেকটো ঠাইত ধৰি ৰখা সৰু বৰ্ড আৰু চকা আছিল যিয়ে মডেলগৰাকীক সহজে খোজ কাঢ়িবলৈ সহায় কৰে। কেক ড্ৰেছৰ ওপৰৰ অংশটো চেনিৰ পেষ্টেৰে তৈয়াৰ কৰা হয়।
সকলো অনুমোদন পোৱাৰ পিছত ছুইটিকেকছৰ প্ৰতিষ্ঠাপক নাটাছা কলিন কিম ফাহ লি ফকাছক গিনিজ ৱৰ্ল্ড ৰেকৰ্ডছৰ প্ৰমাণ পত্ৰ প্ৰদান কৰা হয়।
এই ভিডিঅ’টো ইনষ্টাগ্ৰামত শ্বেয়াৰ কৰিছে গিনিজ ৱৰ্ল্ড ৰেকৰ্ডছে।
য’ত দেখা গৈছে যে এগৰাকী মডেলে ৰয়েল আইচিঙৰ পৰা তৈয়াৰী ফুল আৰু চুইহাৰ্ট নেকলাইনেৰে সজাই তোলা কেক বিবাহ সাজ পৰিধান কৰে। ইয়াৰ পৰা কেকৰ টুকুৰা এটা উপভোগ কৰা মানুহকো বন্দী কৰা হৈছে।
