অসম
ৰাজ্য কঁপোৱা দেৱাশিস গগৈ হত্যাকাণ্ডৰ চূড়ান্ত ৰায়দান, ১১জনক যাৱজ্জীৱন কাৰাদণ্ড…
ৰাজ্য কঁপোৱা দেৱাশিস গগৈ হত্যাকাণ্ডৰ চূড়ান্ত ৰায়দান।
আঢ়ৈ বছৰীয়া ন্যায়িক যুঁজৰ অন্তত অৱশেষত ন্যায় পালে দেৱাশিস গগৈৰ পৰিয়ালে।
আজি যোৰহাটৰ জিলা সত্ৰ ন্যায়ধীশৰ আদলতে আজি ৰাজ্য কঁপাই যোৱা দেৱাশিস হত্যাকাণ্ডৰ চূড়ান্ত ৰায় প্ৰদান কৰে।
মুঠ ১৮জন অভিযুক্তৰ ১১জনক যাৱজ্জীৱন কাৰাদণ্ডৰে দণ্ডিত কৰিছে আদালতে।
আনহাতে ৭জন অভিযুক্তক দোষমুক্ত ঘোষণা কৰে আদালতে।
উল্লেখ্য যে, যোৰহাট জিলাৰ মৰিয়নিৰ গাভৰু চাহ বাগিচাৰ সন্মুখত ২০২০ চনৰ ২৯ মে’ৰ বিয়লি এটা সামান্য দুৰ্ঘটনাক কেন্দ্ৰ কৰি এদল লোকে বৰ্বৰ ভাৱে ২২ বছৰীয়া যুৱক দেৱাশিস গগৈ আৰু তেওঁৰ বন্ধু আদিত্য দাসক নিৰ্মমভাৱে প্ৰহাৰ কৰিছিল।
গণ প্ৰহাৰত গুৰুতৰ ভাৱে আহত হোৱা দেৱাশিসক অতি সংকটজনক অৱস্থাত হাস্পতালত ভৰ্তি কৰোৱাৰ উদ্দেশ্যৰৈ লৈ যোৱা হৈছিল যদিও হাস্পতাল পোৱাৰ পূৰ্বেই তেওঁৰ মৃত্যু হৈছিল।
