ৰাজ্যত নাৰী সুৰক্ষাক লৈ পুনৰ উত্থাপন হৈছে প্ৰশ্নৰ!
কিয়নো ৰাজ্যত সংঘটিত হৈছে এক চা়ঞ্চল্যকৰ ঘটনা।
ৰাজপথত এগৰাকী মহিলাক ব্লেডেৰে আক্ৰমণ কৰি দুৰ্বৃত্তই কাঢ়ি নিলে সোণৰ আ-অলংকাৰ।
জানিব পৰা মতে, নগাঁও চহৰত আন্ধাৰৰ সুযোগলৈ ৰাজপথত মহিলাৰ ওপৰত ব্লেডমেনে চলোৱা আক্ৰমণকলৈ চাঞ্চল্যৰ সৃষ্টি হৈছে৷
হয়বৰগাঁৱৰ ৰঞ্জু ম’ৰ নামৰ মহিলাগৰাকী ৰাজপথৰে খোজ কাঢ়ি গৈ থাকোতে বাইকত অহা দুই দুৰ্বৃত্তই মহিলা গৰাকীৰ ডিঙি আৰু হাতত ব্লেডেৰে উপৰ্যুপৰি আঘাট কৰে৷ ফলত গুৰুত্বৰ ভাবে আহত হয় পথচাৰী মহিলা গৰাকী।
হয়বৰ গাওঁ আৰক্ষী চকী অন্তৰ্গত চেন্টএন্থনী স্কুলৰ ওচৰত সংঘটিত হৈছে এই ঘটনা৷
পথত বগৰাই দুই যুবকে মহিলা গৰাকীৰ দুই হাতত থকা সোনৰ খাৰু জোৰকৈ খুলি কাঢ়ি লয়।পিছত ডিঙিত থকা চেইন চিঙি লয়।
পৰবৰ্তী সময়ত মহিলাগৰাকীক চিকিৎসালয়ত ভৰ্তি কৰা হয়৷
ইফালে মহিলা গৰাকীৰ স্বামীয়ে ঘটনাৰ সন্দৰ্ভত হয়বৰগাওঁ আৰক্ষী চকীত এজাহাৰ দাখিল কৰিছে।
নগাঁও আৰক্ষীয়ে ঘটনাৰ সন্দৰ্ভত তদন্ত আৰম্ভ কৰিছে যদিও ব্লেডমেন ৰূপী দুৰ্বৃত্তৰ কোনো শুংসূত্ৰ লাভ কৰা নাই।