অসমীয়াৰাষ্ট্ৰীয়

সফলতাৰ কাহিনীঃ ৮ বছৰ বয়সতে বিয়াত বহা ৰূপা যাদৱ কিদৰে হ’ল চিকিৎসক

নিউজ ডেস্কঃ ভাৰতত বাল্য বিবাহৰ প্ৰথা শতিকা পুৰণি। আজিও, দেশত এনে বহুতো ঠাই আছে য’ত অতি কম বয়সতে বিয়া দিয়া হয় ছোৱালীক। এনে পৰিস্থিতিত, ছোৱালীবোৰৰ পৰা পঢ়াৰ অধিকাৰ কাঢ়ি লোৱা হয়।

অৱশ্যে, যদি ছোৱালীবোৰ সপোন আৰু সংকল্প ৰাজস্থানৰ ৰূপাৰ দৰে হয়, তেন্তে পঢ়া আৰু পঢ়া-শুনা কৰি তেওঁলোকৰ সপোনবোৰ বাস্তৱায়িত কৰাটো অসম্ভৱ নহয়।

ৰূপা যাদৱ হৈছে সেই সাহসৰ নাম যিয়ে কেৱল তৃতীয় শ্ৰেণীত পঢ়ি থাকোতে বিবাহ পাশত আৱদ্ধ হৈছিল। কিন্তু ইয়াৰ স্বত্বেও, তেওঁ তেওঁৰ সপোন মোহাৰি যাবলৈ নিদিলে। কঠোৰ পৰিশ্ৰম আৰু সাহসৰ বলত আগৰ ৰূপাই এতিয়া ডা০ ৰূপা যাদৱ হিচাপে স্বীকৃতি লাভ কৰিবলৈ সক্ষম হৈছে।

rupa yadav

এক সাক্ষাৎকাৰত নিজৰ সপোনৰ কথা সুঁৱৰি ৰূপা যাদৱে কয় যে যেতিয়া তেওঁৰ বয়স ৮ বছৰ আছিল, তেতিয়াই তেওঁক বিয়া দিয়া হৈছিল। সেই সময়তো তেওঁ সুখীও আছিল।

ইয়াৰ কাৰণ আছিল তেওঁ বিয়া কি সেয়া একো নাজানিছিল। মাথো নতুন কাপোৰ লাভ কৰাৰ আনন্দ আৰু ঘৰত মিঠাই বনোৱাৰ স্ফুৰ্তিত তেওঁৱো সুখী হৈ পৰিছিল।

NEET success: Once a child bride, 21-yr-old Rupa Yadav to soon be a doctor  | Business Standard News

বিয়াৰ পিছত, ৰূপাই তেওঁৰ মোমায়েকৰ পৰা দশম শ্ৰেণীলৈকে শিক্ষা লাভ কৰে আৰু পিছত শহুৰেকৰ ঘৰলৈ যায়। ৰূপাৰ মতে, তেওঁৰ শহুৰেকও খুব শিক্ষিত নাছিল যদিও তেওঁলোকে পঢ়াশুনাত ৰূপাক সমৰ্থন কৰিছিল।

শহুৰেকেই ৰূপাক একাদশ শ্ৰেণীত নামভৰ্তি কৰাই দিছিল। ইয়াতেই ৰূপাই প্ৰথমে এনইইটি পৰীক্ষাৰ বিষয়ে জানিব পাৰে আৰু লাহে লাহে চিকিৎসক হোৱাৰ সপোনে মনত ক্ৰিয়া কৰিবলৈ ধৰে।

yadav

সেই সময়ত দুই ধৰণে অতিবাহিত হৈছিল ৰূপাৰ জীৱন। এফালে তেওঁ ফাৰ্মত কাম কৰিছিল, আনফালে আজৰি সময়ত অধ্যয়ন কৰিছিল। পৰৱৰ্তী সময়ত এনইইটিৰ বাবে প্ৰস্তুতি চলাবলৈ তেওঁ কোটালৈও যায়।

ইয়াৰ পিছত, তেওঁ বিকানেৰৰ এখন মহাবিদ্যালয়ত নামভৰ্তি কৰে আৰু তাতেই এমবিবিএছ অধ্যয়ন কৰে।

শিক্ষাৰ লগতে পৰিয়ালৰ সমস্ত দায়িত্ব পালন কৰিও ৰূপা যাদৱে ২০১৭ চনৰ পৰীক্ষাত ৬০৩ নম্বৰ লাভ কৰিবলৈ সক্ষম হয়। ৰূপাই সৰ্বভাৰতীয় ২২৮৩ তম স্থান লাভ কৰে। পৰৱৰ্তী সময়ত তেওঁ বিকানেৰৰ চৰ্দাৰ পেটেল চিকিৎসা মহাবিদ্যালয়ত নামভৰ্তি কৰে।

image

কিন্তু সেই সময়ত ৰূপাৰ সন্মুখত প্ৰত্যাহ্বান হৈ থিয় দিছিল আৰ্থিক অভাৱ। মহাবিদ্যালয়ৰ মাচুল আৰু হোষ্টেলৰ খৰছ আদিৰ বাবে তীব্ৰ আৰ্থিক সমস্যাত পৰিছিল ৰূপা আৰু তেওঁৰ পৰিয়াল।

কিন্তু ৰাজ্যখনৰ মুখ্যমন্ত্ৰী বসুন্ধৰা ৰাজে নিজেই তেওঁক সহায় কৰিবলৈ আগবাঢ়ি আহে আৰু বিকানেৰ সংগ্ৰাহক অনিল গুপ্তাক ৰূপাক সহায় কৰিবলৈ নিৰ্দেশ দিয়ে।

ৰূপাৰ বাবে আটাইতকৈ কঠিন আছিল মাতৃ হৈ থাকোতে তাইৰ পঢ়াশুনাত মনোনিবেশ কৰা। যেতিয়া ৰূপাৰ ছোৱালীৰ বয়স মাত্ৰ ২৫ দিন আছিল, সেইদিনাই তেওঁ প্ৰাক-চূড়ান্ত পৰীক্ষাত অৱতীৰ্ণ হৈছিল।

image 1

কিন্তু সেই সময়ত ৰূপাৰ কাষত সহায় হৈ থিয় দি আছিল তেওঁৰ শাহুৱেক আৰু ননদ। যাৰ বাবে ৰূপা যাদৱে নিশ্চিত মনেৰে পৰীক্ষাত অৱতীৰ্ণ হ’ব পাৰিছিল আৰু ভাল নম্বৰেৰে উত্তীৰ্ণও হৈছিল।

ইয়াৰ পিছত, তেওঁৰ কন্যাৰ প্ৰথম জন্মদিনৰ দিনাই ৰূপা যাদৱ অৱতীৰ্ণ হয় অস্ত্ৰোপচাৰৰ চূড়ান্ত পৰীক্ষাত। সেইদিনা তেওঁ ৩ ঘণ্টাৰ প্ৰশ্নকাকত মাত্ৰ ডেৰ ঘণ্টাতে সম্পন্ন কৰি কন্যাৰ কাষলৈ দৌৰ দিছিল।

Married at the age of 8, with in-laws and with her dedication today became  MBBS doctor

অৱশ্যে কঠোৰ পৰিশ্ৰম আৰু মেধাই সেইবাৰো সফলতাৰ ৰং সানিছিল ৰূপা যাদৱৰ জীৱনত।

তেওঁৰ চূড়ান্ত ফলাফল ঘোষণা কৰা হয় ২৮ এপ্ৰিল, ২০২২ত। তাৰ পিছতে ৮ বছৰ বয়সতে বিয়াত বহা ৰূপা ডা০ ৰূপা যাদৱ হিচাপে স্বীকৃতি লাভ কৰে। ৰূপা যাদৱে নিজৰ গাঁৱত এখন হাস্পতাল খুলিব বিচাৰে। চিকিৎসক হিচাপে সফলতা লাভ কৰাৰ পিছত এতিয়া ৰূপা যাদৱৰ জীৱনৰ লক্ষ্য এয়াই।

Related Articles

Leave a Reply

Back to top button