নিউজ ডেস্ক। অসমৰ তিনিদিনীয়া ভ্ৰমণলৈ অহা ভাৰতৰ ৰাষ্ট্ৰপতি ৰামনাথ কোবিন্দে দেওবাৰে কাজিৰঙা ৰাষ্ট্ৰীয় উদ্যানত হাতী চাফাৰী উপভোগ কৰে।
উল্লেখ্য যে ৰাষ্ট্ৰপতি কোবিন্দে শনিবাৰে বিয়লি তেজপুৰ বিশ্ববিদ্যালয়ৰ ১৯ তম সমাৱৰ্তনত অংশগ্ৰহণ কৰাৰ পিছত যোৱা নিশা কাজিৰঙাত উপস্থিত হয়।
কাজিৰঙাত তেওঁৰ দ্বিতীয় দিনৰ অন্যান্য কাৰ্যসূচীৰ উপৰিও ৰাষ্ট্ৰপতিগৰাকীয়ে ৰাতিপুৱা তেওঁৰ পৰিয়ালৰ সৈতে ৰাষ্ট্ৰীয় উদ্যানত হাতী চাফাৰী উপভোগ কৰে।
খবৰ অনুসৰি ৰাষ্ট্ৰপতি কোবিন্দে তেওঁৰ কাজিৰঙা ভ্ৰমণত এখন জীপ চাফাৰীও লৈছিল।
ৰাষ্ট্ৰপতি ৰামনাথ কোবিন্দে কাজিৰঙা ৰাষ্ট্ৰীয় উদ্যানৰ কঁহৰা ৰেঞ্জ এলেকাত হাতী ছাফাৰী কৰে।
ৰাষ্ট্ৰপতিৰ সহধৰ্মিনী সৱিতা কোবিন্দ আৰু দুহিতা স্বাতী কোবিন্দেও এই কাৰ্যসূচীত অংশগ্ৰহণ কৰে।
মন্ত্ৰী কেশৱ মহন্ত, অতুল বৰা, পৰিমল শুক্লবৈদ্য ৰাষ্ট্ৰপতিৰ হাতী ছাফাৰী কাৰ্যসূচীৰ সময়ত লগত থাকে।
