নিউজ ডেস্কঃ কেতিয়াবা পথত এনেয়ে ঘূৰি ফুৰা গৰাকীবিহীন বাটৰ কুকুৰে আতংকিত কৰে পথচাৰীক।
ভুকি ভুকি যেতিয়া পথচাৰীলৈ কুকুৰৰ জাকে খেদি আহে সেই সময়ত ত্ৰাহিমুধুসুধন দেখে বাটৰুৱাই।
কুকুৰৰ এনে আক্ৰমণৰ ভয়তে তীব্ৰ বেগত গাড়ী চলাই সেই স্থানৰ পৰা আঁতৰিবলৈ চেষ্টা কৰোতেই দুৰ্ঘটনাত পতিত হ’ল স্কুটী আৰোহী।
সামাজিক মাধ্যমত শেহতীয়াকৈ ভাইৰেল হৈ পৰিছে এই দুৰ্ঘটনাৰ ভিডিঅ’।
ঘটনাটো ওড়িশাৰ বুলি জানিব পৰা গৈছে।
ভিডিঅ’টোত দেখিবলৈ পোৱা মতে, দুগৰাকী মহিলা আৰু এটি শিশুৱে স্কুটীৰে আহি থকাৰ সময়তে কেইটামান বাটৰ কুকুৰে তেওঁলোকৰ স্কুটীৰ পিছে পিছে চোঁচা লয়।
কুকুৰৰ জাকটোৰ আক্ৰমণৰ ভয়ত স্কুটী আৰোহী মহিলাগৰাকীয়ে তীব্ৰবেগত সেই স্থানৰ পৰা আঁতৰিবলৈ চেষ্টা কৰোতেই নিয়ন্ত্ৰণ হেৰুৱাই পথৰ দাঁতিত ৰখাই থোৱা এখন চাৰিচকীয়া বাহনত খুন্দা মাৰি বাগৰি পৰে।
অৱশ্যে স্কুটী আৰোহী কেইজন বাগৰি পৰাৰ পিছতে কুকুৰৰ জাকটোৱে আক্ৰমণ নকৰাকৈ সেই স্থানৰ পৰা গুচি যায়।
#WATCH | Odisha: A woman who was scared of being bitten by stray dogs, rammed her scooty into a car parked on the side of the road in Berhampur city. There were three people on the scooty; all have sustained injuries in the incident. (03.04)
— ANI (@ANI) April 3, 2023
(Viral CCTV visuals) pic.twitter.com/o3MeeBYYPm
আনহাতে এই দুৰ্ঘটনাত সৌভাগ্যক্ৰমে গুৰুতৰ আঘাত পোৱাৰ পৰা ৰক্ষা পৰে শিশুসহ তিনিওজন আৰোহী।
