অসমীয়াঅসম

লোভে পাপ…! উৎকোচ লৈ এইবাৰ হাতে-লোটে ধৰা পৰিল লাট মণ্ডল ৰঞ্জন গোস্বামী

নিউজ ডেস্কঃ লোভে পাপ, পাপে মৃত্যু! চৰকাৰী দৰমহাৰ টকা কেইটাৰে নহয়, আৰু দুটকামান ঘটিবলৈ যাওতেই ‘অতি চালাকৰ ডিঙিত ৰচী’ৰ দশা হয় চৰকাৰী কৰ্মচাৰীৰ।

শেহতীয়াকৈ ঘোচ লৈ ৰাজ্যত হাতে-লোটে ধৰা পৰিছে কেইবাজনো চৰকাৰী বিষয়া-কৰ্মচাৰী। শুকুৰবাৰে ধুবুৰীত ঘোচ লোৱা সময়ত এগৰাকী শিক্ষা বিষয়াক দুৰ্নীতি নিবাৰক শাখাই গ্ৰেপ্তাৰ কৰাৰ পিছতে একেদিনাই হাতে-লোটে ধৰা পৰিল আন এজন চৰকাৰী কৰ্মচাৰী।

এইবাৰ কৰিমগঞ্জ ৰাজহ চক্ৰ বিষয়াৰ লাট মণ্ডল ৰঞ্জন গোস্বামীক উৎকোচ লোৱাৰ সময়তে হাতে-লোটে গ্ৰেপ্তাৰ কৰিবলৈ সক্ষম হ’ল দুৰ্নীতি নিবাৰক শাখাই।

মাটিৰ মিউটেছনৰ বাবে দাবী কৰা ধন লোৱাৰ সময়তে দুৰ্নীতি নিবাৰক শাখাই অভিযান চলাই হাতে-লোটে কৰায়ত্ত কৰে ঘোচখোৰ লাট মণ্ডলজনক।

উল্লেখ্য যে, শুকুৰবাৰে ধুবুৰী সৰ্বশিক্ষা অভিযান মিছনৰ শিক্ষা বিষয়া আজহাৰুল ইছলামক উৎকোচ গ্ৰহণৰ সময়তে হাতে-লোটে ধৰা পেলাইছিল দুৰ্নীতি নিবাৰক শাখাই।

Related Articles

Back to top button