নিউজ ডেস্কঃ বুধবাৰে শক্তিপীঠ মা কামাখ্যা মন্দিৰ দৰ্শন কৰি আশীৰ্বাদ বিচাৰিলে ত্ৰিপুৰাৰ মুখ্যমন্ত্ৰী মাণিক সাহাই।
পুৱা গুৱাহাটীত উপস্থিত হোৱা ত্ৰিপুৰাৰ মুখ্যমন্ত্ৰীগৰাকীয়ে তাৰ পিছতে দৰ্শন কৰে মা কামাখ্যা মন্দিৰ।
মন্দিৰ দৰ্শন কৰি টুইটযোগে এই কথা জানিবলৈ দিয়ে মাণিক সাহাই।
টুইটাৰত তেওঁ লিখিছে, ‘শক্তিপীঠ আৰু তন্ত্ৰ সাধনাৰ স্থলী গুৱাহাটীৰ নীলাচল পাহাৰত অৱস্থিত মা কামাখ্যা মন্দিৰত আজি পূজা সম্পন্ন কৰিলোঁ। ৫১ খন শক্তিপীঠৰ ভিতৰত অন্যতম এই মন্দিৰত দেৱীৰ ওচৰত ত্ৰিপুৰাবাসীৰ সুখ আৰু সমৃদ্ধিৰ বাবে প্ৰাৰ্থনা জনাইছো।’
শক্তিপীঠ ও তন্ত্র সাধনার পীঠস্থান গুয়াহাটির নীলাচল পাহাড়ে অবস্থিত মাতা কামরূপ কামাখ্যা মন্দিরে আজ পুজো দিলাম।
— Prof.(Dr.) Manik Saha (@DrManikSaha2) August 24, 2022
৫১ শক্তিপীঠের অন্যতম এই তীর্থক্ষেত্রে দেবী মহামায়ার কাছে ত্রিপুরাবাসীর জন্য সুখ-সমৃদ্ধি প্রার্থনা করি। pic.twitter.com/SDPVR7rCIG
উল্লেখ্য যে, কিছুদিন পূৰ্বে দক্ষিণ ভাৰতৰ চুপাৰষ্টাৰ মোহনলাল আৰু বলীউডৰ মোহময়ী অভিনেত্ৰী জেকলিন ফাৰ্ণাণ্ডেজেও মা কামাখ্যা মন্দিৰ দৰ্শন কৰিবলৈ অসমলৈ আহিছিল।