যোৰহাটৰ পৰা গ্ৰেপ্তাৰ কৰা হৈছে ‘বুল্লী বাই’ এপ গোচৰৰ মূল ষড়যন্ত্ৰকাৰীক।
নীৰজ বিষ্ণৈ (২০) বুলি চিনাক্ত কৰা অভিযুক্তজনক দিল্লী আৰক্ষীৰ বিশেষ চেলৰ আইএফএছঅ’ দলে গ্ৰেপ্তাৰ কৰে।
দিল্লীৰ ডিচিপি (আইএফএছঅ’) কেপিএছ মালহোত্ৰাই জানিবলৈ দি কয়, “দিল্লী আৰক্ষীৰ বিশেষ চেলৰ আইএফএছঅ’ দলে অসমৰ পৰা গ্ৰেপ্তাৰ কৰা নীৰজ বিষ্ণৈ হৈছে গিটহাবৰ ‘বুল্লী বাই’ৰ মুখ্য ষড়যন্ত্ৰকাৰী তথা সৃষ্টিকৰ্তা আৰু এপটোৰ মুখ্য টুইটাৰ একাউণ্ট ধাৰক।”
অভিযুক্তজনক বৰ্তমান পৰৱৰ্তী আইনী প্ৰক্ৰিয়াৰ বাবে দিল্লীলৈ অনা হৈছে বুলিও তেওঁ জানিবলৈ দিয়ে।
যোৰহাট জিলাৰ দিগম্বৰ অঞ্চলৰ বাসিন্দা বিষ্ণৈ ভূপালৰ ভেলোৰ ইনষ্টিটিউট অৱ টেকন’লজীৰ বি-টেক শিক্ষাৰ্থী।
উল্লেখ্য যে, ‘বুল্লী বাই’ এপটোত, শ শ মুছলমান মহিলাৰ ফটো আপলোড কৰা হৈছিল, যাৰ পিছত বহুতে ছ’চিয়েল মিডিয়াত আৰক্ষীৰ ওচৰত অভিযোগ কৰিছিল।
#WATCH Neeraj Bishnoi, the main conspirator & creator of 'Bulli Bai' on GitHub brought to Delhi by Delhi Police Special Cell
— ANI (@ANI) January 6, 2022
He was arrested from Assam by Delhi Police Special Cell's IFSO team pic.twitter.com/DzPR7rdHtH
এপটোত নাম থকা মহিলাসকলৰ মাজৰ এগৰাকী সাংবাদিকে দাবী কৰিছিল যে গিটহাবত “বুল্লী বাই” নামৰ এটা গোট “চুলি ডিলছ”ৰ দৰে সৃষ্টি কৰা হৈছিল, যিয়ে তেওঁলোকৰ সামাজিক মাধ্যম একাউণ্টৰ পৰা মুছলমান মহিলাসকলৰ ফটো সংগ্ৰহ কৰে আৰু লোকসকলক তেওঁলোকৰ ‘নিলাম’ত অংশগ্ৰহণ কৰিবলৈ উৎসাহিত কৰি আহিছে।
আনহাতে এই গোচৰত নীৰজ বিষ্ণৈৰ বাহিৰেও আন তিনিজনকো ইতিমধ্যে মুম্বাই আৰক্ষীয়ে গ্ৰেপ্তাৰ কৰিছে। দিল্লী আৰক্ষী আৰু মুম্বাই আৰক্ষীয়ে পৃথক গোচৰ ৰুজু কৰি তদন্ত অব্যাহত ৰাখিছে।
#DelhiPoliceUpdates
— #DelhiPolice (@DelhiPolice) January 6, 2022
Neeraj Bishnoi, the mastermind & creator of #BulliBai app which was uploaded on GitHub, has been arrested from Jorhat, Assam by IFSO Special Cell of #DelhiPolice. He is being brought to Delhi. Forensic remnants found in his laptop. @CPDelhi @DCP_CCC_Delhi pic.twitter.com/KzHbrVAJQI
ইয়াৰ পূৰ্বে, গ্ৰেপ্তাৰ কৰা যুৱক তিনিজনৰ এজন বেংগালুৰুৰ অভিযান্ত্ৰিক বিদ্যাৰ্থী আৰু আন এজন বিহাৰৰ বাসিন্দা। গ্ৰেপ্তাৰ হোৱা আনজন অভিযুক্ত বছৰীয়া যুৱক বুলি জানিব পৰা গৈছে।